 |
قسم صدى الامس
وعد بكرة |
|---|
تمر اسنين .. وراها السنين
ومر اليوم .. وجت بكره
وجت أيام بعد بكره
وهاذ انتي على ميعاد كما بكره
كبر وعدك .. وصار الوعد
ما ينطاق على الأشواق .. وأنا المشتاق
تناديني الليالي دوم
ومعها نجمها الساهر
تعال انته ..
وهات الود والأشواق
أجاوبها بحسره وعوق
ودادي شلّته الأيام
وأنا ناطر .. يمر اليوم
ومر اليوم .. وجت بكره
وجت أيام بعد بكره
وهذا انتي على ميعاد كما بكره
***
تمر اسنين .. وراها سنين
وصمتك مثلما الأيام
إذا خيّم عليه الحزن
فلا يرحل ولا يمضي كما الأحلام
(أنا قاعد مع الأحزان)
أراقب نزعة الحرمان
إذا حلّت وناجت خافي الكتمان
(وأنا قاعد مع الأحزان)
وانتي مثلما انتي
يسافر بك صدي النسيان
(تمر اسنين .. وراها سنين)
وصمتك لي قدر مكتوب
كأني فدنيتي شمعه
يعاصرها اللهب دايم
ويمسح عمرها وتذوب
وأنا ناطر .. يمر اليوم
ومر اليوم .. وجت بكره
وجت أيام بعد بكره
وهذا انتي على ميعاد كما بكره
***
تمر اسنين .. وراها سنين
ورحلة قلبي للمجهول
بدا ياخذ مداها يطول
وكل كلمة بهذا الكون
تقول اني أنا المظلوم
وأنا الساكت ..
وأنا الباكي على جروحي
وأنا المحتار والعاشق
بهذا الكون والمحروم
وكل اللي بقي فيني
قلب تايه .. وسر مكتوم
***
تمر اسنين .. وراها سنين
وحالي مثلما هو الحال
فلا قاعد .. ولا قايم
ولا راحل مع الترحال
وانتي هناك مع النسيان
(مع النسيان)
وكل هذا وأنا ناطر
يمر اليوم .. ومر اليوم
وجت بكره
وجت أيام بعد بكره
وهذا أنتي علي ميعاد كما بكره
***
تم اسنين .. وراها سنين
وعصفور الأمل غرّد
وذكّرني بزمانن فات
زمان البسمه الحلوه
ورجوانا على النشوه
ولحنن كان يتردد
على شفاه الملا كلهم
واحنا اثنين وياهم
نردد يا زمنا هات
من الفرحة بلا آهات
ولكن ضاعت الذكري
واحنا هناك ولا ندري
قتلتى جملة الفرحة
وحبي اللي كبر صرحه
وانتي هناك ..
بلا حزنن ولا آهات
وأنا ناطر .. يمر اليوم
ومر اليوم .. وجت بكره
وجت أ]ام بعد بكره
وهذا انتي على ميعاد كما بكره
|
|
|
| | |
