سبعين عام ونكهة العشق تيني
طعم الفريد المايس القد ياذاك

رتّب قصيد الحزن واعبر سنيني
واكتب على صدر الورق لاعدمناك

العين تذرف دمعة الصدق فيني
والقبر بارز والثمر قرب الافلاك

باكر تمر الذاكره بعض الاوراق
تقرا مساحات ٍ بها الصدق وافي

شهر عايد بالمحبه والوداد
سيرته تشتاقها كل العباد
ربنا المعبود اكرمنا جميع
يسعد المشتاق ماكان الحصاد

نبتدي بالتهنئه ياخير دار
للمشاعر دارنا صارت بلاد
احتفاء الكل يخبر قصةٍ
باقيٍ منسوبها ماهُو نفاد

ياهلا بك يالغلا ياضيفنا
ياصيام انفوسنا لجل المراد
جنة ٍ محصولها شيٍ فريد
ساكنيها مالقو فيها سواد

اترك الطابه وتكديس الرصيد
للفنا ياصاحبي كانك رشاد
تسعدك اوقات تقضيها مطيع
داعي المعبود والعالم رقاد

يافلسطين الابيه
ماانتي ماانتي اجنبيه
ساريه وسط العروق
ينبضك فيني خفوق
لك من الخاطر اغنيها التحيه

باعلك تاجر صغير..!
ايِه نعم يبقى صغير
وماكبر..
ماعرف وشلون يربح بالزمن
شاف كم غيمه بعيد
حان يوصل..بالأخير
مامطر في حين شوقه
ولازرع في فصل صيف..!

يافلسطين العروبه والجمال
اعبري فيني الى اقصى الشمال
واشربي دافي عروقي
وارتوي من طهر موقي
من عشانه تزعلين..؟!

كلهم صارو ضحايا
كثر مااعطو هدايا
خانو ماكان الثمين..

ياعطش
مابل عود الياسمين
الاّ عبره في ثرى
ماكان طين..
مرّها القحط وغدت
في ملامحها تدين
كل دوله عامره والحال شين..!

تدعي رب العالمين..

يابواخر ياسفن
احملي طيّة كفن
كان ودك تسعفين..؟!

غير انتي مرمره
وشلون ابدا بس سؤال؟!
انتي حقيقه او خيال..؟!
انتي بحرتي في امل..
من تُركيا شلتي حنين
قصدك الى غزه تجين
والكل فرحان وسعى
يجمع ورود وياسمين
من شان ينثرها
متى ماتوصلين..

دمعي ذرف ..يامرمره..دمعي نزف

خاين تعرضلك حقير

ذاك اليهودي مااحقره دايم سخيف

وين العرب ياربعنا وين العرب..؟!

لاصوت واصل لاصدى.. وش هُو الجديد..؟!

معقول نذبح بعضنا ..وين العقول..؟!

معقول نصبح في وطن ..والكل خوف..؟!

تعال شوف اشلون تفرح عيوني؟
ركزّ فديتك واستمع جملة الجاي

ان طاب وقتك زان ياذوق لوني
وان غبت عني افتقد لذة الشاي!