لو كان للنسيان عندي معذره
كان اعتذرت انساك وابقى اذكرك

ولو كان هذا الذنب اقدر استره
ما كان اخفيتك وخايف اظهرك

مجبور جيتك لين صرتي مقبره
مجبور احب ولازم اني استرك

(حلقت) بيتي الطين ناوي اهجره
واسجن معاك الليل وحده واهجرك

(داكيت) حزني ع الزمن ما احقره
من اتفه الاسباب يبدأ يحقرك

ضميت فرحي في (دروج) الذاكره
وش فايده افرح وعيني تسهرك

وسعت صدري لين ضاق ف آخره
ضاق بعتابك لين صرتي آخرك

حد الوصل ما بيننا من يكسره
وحدك بنيته وخايف انه يكسرك

ما صار للنسيان معبر واعبره
لكن (وجود) تقول اني اخسرك

لو جبت عذرك .. لو تقول المعذره
عذرك معك لا يمكن اني اذكرك

مرهون العلوي _ وجود _ الشاعر الجميل مصافحتك الاولي
وقفت لها تقديرا وأحترام
نص لا أستطيع أن أقدم له أكثر من ألاستماع والاستمتاع بالجماليات
التي به وأنا أعدك أن أعود لهذا النص مره أخري.

وجود

وجود


نص جميل راقي

أيها الجميل الراقي

تحياتي لك صديقي

نص رائع ومتدرج الأفكار
استمعت بقراءته
دمت للعطاء والإبداع عنوان

الشاعر،مرهون العلوي
صح لسانك ولاهنت
نص راقي واكرم الذائقه شعرا
احترامي وتقديري

مرهون العلوي..

(نسيان)..نص راق لي كثيراً
قرأته سابقاً في (وهج)..
وهاأنا اقرأه هنا مرة أخرى..وهذا من حسن حظي..
فــــــ شكراً لكرمك..
//

دمت متألقاً..