|
أحبك والعيون ان سولفت بجنون علي أستغفر الله كثر ما أحبك أنا وان قلت يا خلي ترى مفتون جنوني فيك ما عده سوى ربكـ أنا ما أحبك إلا لك بعد مديون تصور عاد من شوقي لك أسبك! |
مشغول جدا وأدور لي على حاجه انسى بها ما مضى من عمري الماضي الدرب موحش ولكن حيل محتاجه والعشق دولة ولكن ما بها قاضي فتشت أمسي عليك وقلت نتواجه لا ـ الليل يسعف وأنا م أقبلت ب أعراضي وأللي كسرني وهل الدمع وامواجه صورة قديمة أفضحتني بين أغراضي لا تستحي يا حزن خذ ملكي وتاجه قبلك حرجني كثير وقلت أنا راضي ويا الفرح رايح إذا تامر على حاجه من كثر حزني أنا ما عدت لك فاضي |
وش له نحب ونوجع البال والراس قليل من يصدق لجل خاطر الحب ناس(ن) تحب بس لأنها فاقده احساس وناس(ن) تعيش الحب للجنس واللعب |
من هو يلوم الحزين ان طال في نومه لا عاش ليله فراق وهلت أحزانه تفداه إهات وسط الصدر مكتومه ولولاه صابر تفجر صمت بركانه يشب سيجار همه من عنى يومه يستعذب الحزن من تلويح دخانه |
البنت هذي شي اشبه بالمحال مو كل من جا بالقصاد كتبها اسطورة القمرة على خد الليال تحكم قلوب ويرحم الله شعبها احبها عمر وقبل امس وازال احبها البارح وبكرة احبها كريمة بعيني ولا فيها جدال وتبخل على الساقي بحبة رطبها اهي كذه متناقضة حد الخيال مدري سهلها كيف يغلب صعبها كل المشاكل لا احدثت ابسط مثال نادوا ب اعلى الصوت هذي سببها ما اثرت فيني سوى بنت الشمال لا تقربوها دام قلبي خطبها |
يا صاحبي محتاج أفضفض لك شوي تاعبني الحزن وتمادى عذابي رايح أغير جو يومين ل دبي ليت الحزن ما عاد يقرأ كتابي الأمنيات كثار بس ما بها ضي دام الأمل ما عاد يسعف مصابي وانت وبني عمك على معاتب الحي والشارع الجاف ومعاند سحابي والمجتمع وأهلي وقصر حيلة أيديي يا ليتكم تدرون لو جزء مابي !! |
الشعر اشقر والمتن يحكي سوالف الانسياب اواااااااه لا منه تمايل واغرق البسمات شيييز اتذكر اللي قيل عن طاري الحسن والانجذاب على لسان كبارنا ( محلى جمال العنقريز ) |
ما عدت اصدق كل داء له دوى هذا انا لي جرح ماله مداويه قويت اصون الجرح لكن ما قوى يصبر على برد الفراق ولياليه جينا سوى للحب ما رحنا سوى وش ذنبه العاشق بحيلة اياديه!! |
تضيق فيني لاا هدى الليل واحشمك واطلب من الله بشوفتك قبل لاا أنام خايف قراري بحزة الضيق يظلمك ويمكن تغير صورتك عبر الأيام واعيش بك أحلام وان جيت أكلمك تضيق فيني زود واعيشك أوهام ياخي تعبت أصبر وأكابر وأعلمك م انت بكفو واقع ولا كفو الأحلام |
رح للذي علمك تقسى على الناس يعلمك وش ناتج الجرح منك الناس يا سيدي ترى خلطة أحساس تذوب لا من مسها جرح منك |
| الساعة الآن 01:36 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir