|
الله يا ورد الزعل..ورد الرفاق في هذه الساعه محاصر بالورود لكن خنق صدري وداعك والعناق واحتجت لك أكثر اذا باكر تعود لو تاخذي من حاجتي كل الخناق واكون لك مغسول من حقد الحسود الليلة اللي فرقتنا ما تطاق والليلة اللي بعدها كل الشهود الله ياورد الزعل..ورد الفراق راحت وخلت في يدي موت الورود |
كانت على الباب لمحتها خايفه ترش السما بتراب وتلعب ولكن بدون العاب كانت ترش السما واعتابها عتاب مدري ليه كانت بضيق تلعب وفجأه تصك الباب وراحت لألعابها وأنا جالس مع الخوف نلعب نرش السما بتراب |
النهار عابر سبيل كلما مر يسقط على الارض ليل والنهار طفل مفقود ودمعه يسيل يحاول يفر من التعب يحاول يحاول بجد مسكين هذا النهار عايش قتيل |
هلا نوره تعبت من الحزن بابه وناطوره هلا وينك اكيد انك مثل حظي او ان العمر هذا ملعب وكوره هلا نوره اقولك شي انا البرواز ياعمري وانتي كوني الصوره |
لا تحرموني الليل
انا والظلام احباب لو حاجتي قنديل لكن دروب وباب محتاج غيم وسيل وانشوده ومرزاب فوقي السما ترتيل تحتي التراب تراب انا وحيد الحيل انا كثير عتاب |
موجوع
ما ف البلد ضامي دام الحزن ينبوع يا كابت الليل بعيونه لا تشعل اوهامي كلي وبص وشموع |
خايف من المجهول من القادم المربك من كل شي خايف من الضي وانا المظلم نفسي اقول شي نفسي اقول اني خايف من كل شي وانا المسؤول |
صاحبي وان كذبت فيني الوعود احرم عيوني سهرها والبرود واترك الاهداب تشقا من سهدها في لياليها وانا خصم الرقود والقى لي في مقبل الايام ذكرى تشبه الفايت من انسام و ورود علها تاخذ من الجدران شوفي وانتبه للي حسبته ما يعود واختصر فيها من الاوهام نفسي مثل ما ضاق المدى فوق الحدود بشريني يا سنين العمر مره قبل ما ينهي الزمن عمر الوجود نلتقي لكن تعلمنا نفارق في خطى الاقدام لي عين وحسود ما سئلت الناس عن رد العطايا صاحبي والغيم ف الصحرا يجود ان تعبنا من فراق الوصل نصبر وان وصلنا نلقى للفرقا وجود مثل حظي ما شبه ف الارض ساعي مثل ندي ما لقى فيني جحود ياضماي اللي تعبت القى مثيلك لا تمنيني على فيض السدود نرتجي عفو الذي بالناس داري من جعل لقياه اقرب ف السجود صاحبي هذا المدى والله كاذب ما حيا من عاش عمره للقيود |
تموت..! ما ف الوطن تابوت معلق على الحايط على الاسفلت قلبك صخر ياسيدي اما أنا فوق الصخر منحوت وتموت! |
بعيونك التجريد يوم الفضا زحمه.. وفي لغثتك كلمه تتشره لكلمه.. واقبل من عيونك فيض إرتباك وشي ما يربك الشاعر.. يا وعد لآخر درب.. يا عمري الآخر، لاتتركين القلب يشتاق لك باكر،، وكلما تشبثتي في حضن من حبك، تمحين آخر جرح.. وتترتب أنفاسه ويهم بك لآخر.. لآخر حدود العمر، يا عمري الآخر للشاعر المركون في زاوية النور/الضوء الامتداد الى السماء الى من يقاسمني تفاصيل الارض والحجر ولغة القرى السرمدية وأسرار الحياة الاخرى أحتاج الى الكثير من الوعي لتقديم هذا الرائع الذي يمهد للقصيدة تيجانها وقلائدها أبن البلد ومدينتي الرستاق عبدالله العبري |
قلت ندرك ما تبقى من شعور علنا بدراكنا نبني قصور..! بس طاحت امنيات اللي تمنى ومثلنا آخر امانيه القشور للسراب احيان يلهث كل ظامي والسراب احيان للظامي عبور كنت واحد ارتجي جود السحايب لين صرنا نرتجي موت ونحور لو تمادى حظنا عسف الاماني لكن الدنيا على القادم تدور من وثب يسعى لغير المجد فاشل مثل من يسعى وسعيه للغرور انتبهت.. لكل انوار المدينه شفتها تشبه مصابيح القبور |
مثل الفراق وضيقة البال والخوف عودت نفسي التقي مع سرابي مثلي كثير.. وموعد النور مخلوف على الزمان الجاي يكثر خرابي بردي دفا لو ساتر الجرح مكشوف وانسى احبك يا سماي وسحابي وابكي لموعد كان عاري ومكسوف مثلي..! وانا مزحوم داخل ثيابي |
يا نايحة جدي ومات الجد واحنا نشل بلالنا الاحلام من برجنا العالي لصوت الرعد و(اتفاقنا) تهزم عمى النيام ف عروقنا جمر وحنين وبرد وعذوق صبر.. وفرحة الأيتام للعيد في صدر الاماني الجرد مثل الذي ضاقت به الانسام يا قرية الحاجه.. ولعب النرد كفي سرق مني رضا الأيام يا قرية العالين.. فوق السرد برجك وقف يشكي لنا الاعوام هذا اخوي السالم المحتد لابس (حزاقه)..واقفٍ قدام متمصر بعدلك ولا يرتد يرسم خدودك يا سهول الزام نشرب زلالك يا جبال العد لا صار مغلينك ترس وحسام محروم من خنجر بخصر الود يوم الخناجر تحرس الاوهام يوم (المخمس) ما تشيله يد الا عشان نجامل الابهام يا نايحة جدي كفانا الجد نمزح معك يا قرية الاحلام |
لليوم اتبسم على جرح يدمي يا رب..ما قصة جروحي الكثيره اٍن صار هذا الليل مغرم باٍسمي يعني مصيري مرتبط في مصيره الله خلقني جسم... والليل دمي والليل دمي والليالي حقيره افرش بساط الخوف من ثوب كمي واضيع في صدر الصحاري الفقيره وارمي الحصى للماي وصحراي ترمي طاح الحصى والماي كذبه كبيره يا مسهلك يا ظل طيحت جسمي لو هو بيدي اطفيت شمس الضهيره البارحه.. ما زارني غير همي ظيفت همي لين نام بسريره واليوم كلما زارني جرح يدمي اخذ علومه... وانتظر جرح غيره |
طـفــي شـمـوعـك وأشـعـلـي الــجــرح ثــانــي ما عاد لي حاجه على الشمع مضوي ظـلـمـة غــيــاب وبـرهـنــت كــيــف أعــانــي ما هـي جديـدة ينطفـي الشمـع وأضـوي يـــــا بـــنـــت تــــــو الــلــيــل مــظــلــم عــشــانــي خـــلــــي صــقــيـــع الـــبــــرد يــــــــدوي ويــــــــدوي الــلــيـــل طـــفــــل ومـــنــــزوي فـــــــي مــكــانـــي لا تــطـــرديـــن الــحـــلـــم والــطـــفـــل مــــــــزوي والــلـــيـــل مــــثــــل الــــلـــــي يـــــــــدور حـــنـــانـــي والـلــيــل نـــــرد الــحـــظ فــــــي كــــــف مـــلـــوي تسـتـعـجـلـيـن الــصــبــح والــصــبـــح فـــانــــي اربــــــع ســنــيـــن ولا بـــهــــا صـــبــــح يـــــــروي يـــا بـنــت مـــن يـضــوي شــمــوع الامــانــي يحـسـب حـسـاب الـريـح لا الـريــح تـنــوي اربـــــــــع ســـنـــيـــن آكـــلـــمــــك بـ/ الاغـــــانـــــي مـــــا تـسـتـحـيـن الــيـــوم والـعــشــق مـــطـــوي أســــتـــــأذنـــــك ردي كــــــــــــــروت الـــتــــهــــانــــي وارمـــــي الـهــدايــا واتــركـــي الـلــيــل يــعـــوي وأضـوي شموعـك وأشعلـي الجـرح ثانـي اليـوم لـي حـاجـه عـلـى الشـمـع مـضـوي |
من باب اني حزين صار الحزن باب مركوز في حلق العطش والأماني من علموك الحلم تمشي بلا ناب لك درب شايك والزهر والاغاني لك صاحب ما عاد يشبه للاصحاب مخنوق حلم.. ولا بوسعه يعاني دعثرت لك يا جرم نبذي والاسباب جرم السنين الممحله والتفاني ان كان لي بسمه فلا عدت طلاب ما يسوى هذا الريق موت المحاني من باب هذا الحزن... يقتلني الباب مأجور يا حلق العطش والأماني |
يا وعد ما تجلب الحاجة حنين جابتك كل المعاذير الجبانه رقصتك في زحمة الخزي المشين في نظرهم .. رقصة العز الرزانه داخلك ما ينولد غير الانين عن حكاية ورد لا حس لحنانه يا وعد لو صارت الحاجه جبين تسقط العزه على رقص المهانه للوعد ميلاد لكنه حزين جت تدور الشمع ميلاد الخيانه حانة لولا جيوب الشاردين ما مليتي سلتك ورد واهانه قلتلك ما غيرها هذي السنين تجرح العفه على جدران حانه شاعرك في داخله جرح سجين ماسك الجلاد لا يترك مكانه يا وعد مثلك من الغربة دفين لا توصيني على جرحك امانه لو فرضنا تجلب الحاجه حنين يا وعد .. تبقى معاذيرك جبانه |
بيني وبين الزحام باب منقوش بالورد ومفاتيحه كلام وقفله كفوف ونرد عاثر.. لو حظنا العاثر سلام تطيح الفواصل وتنبت الارض الغمام يكفيني من الزحمه ورده اذا العمر ذابل واذا قلوبنا عشق وابل في وجه المدى وما تبقى من صوت الصدى وباقي العمر تحصيل حاصل ما مدتني السنين ولا مداني المدى ويبقى مع الصوت زخ الندى وتبقى الفواصل ما بيننا وبين الكلام ولكن.. حصدت ما جاد العطا وأنت ثايب يجهر بنا ما جاد فوق الثوايب يقحل فلاك وعين غيزك تودي سوق المطر لانسام طلق النوايب شديت رجلي صوب نبض الرواجع وارتد جسمي وانت يالشوق عايب اظما وتشربني فلاج الضواحي ازعل ويرضيني جفاف الحبايب مديت شوفي للسما في غروبي ما ضاق وجهي غير قحط السحايب واسرفت في شوفي وازهقت نفسي جمرت شوقي يالضما وانت خايب منعم ولو مالي سواي وظنوني مشرق ولو اني مع الضيم ذايب محتاجها ترمي التعب من عيوني وتردني بين الخصب والروايب اشعلتها فدوة عيون الحيارى عن ليل ما يخطي وعن صبح صايب وابقى على متن السهر او رقادي طفل لبس في داخله روح شايب يضمر ويضمر نيته في مداها ويفك من صدره شلول الركايب منعم ويا ليت السحايب تودي صوت المطر لانسام طلق النوايب |
الى أبنة أختي الصغيرة حنين التي طلبت مني شراء لعبة لها ولم أستطع ذلك لاني وبصراحه لا أملك قيمة علبة الدخان كيف بقيمة اللعبة هو الفقر ليس الا. لكم هذا النص المذبوح بكل شي وعذراً لــ / حنين . . خالك المفزوع من حاجة سنينه ما لقى في ساعته عقرب وفاه طــــــــــاح مــــــــــن غـــــيـــــم الـــمــــحــــل يـــنــــفــــض يـــديــــنــــه والــــتــــقــــتـــــه الارض مـــــــــيـــــــــت مــــــــــــــــــن صـــــــــبـــــــــاه كـــــــنـــــــه الـــــــلـــــــي مــــــــــــــا ورد مــــــــــــــن حــاجـــبـــيـــنـــه غـــــــيـــــــر ســــعـــــيـــــه فــــــــــــــي مــــواقـــــيـــــت الـــــــصــــــــلاه يـــاحـــنـــيــــن وخـــــــالـــــــك الـــــــلـــــــي وســــــــــــــط عــــيـــــنـــــه حـــــــاجــــــــة مـــــــــــــــا بـــــاحـــــهـــــا لـواحــــــــــــــــد ســــــــــــــــواه لــــــيـــــــن حـــــــــــــاز الـــــــعـــــــرق ســـــــمـــــــرة ســـاعـــديــــنــــه وانــــطـــــفـــــى صــــبـــــحـــــه وعـــــــرقـــــــه مــــــــــــــا مـــــــعـــــــاه كـــــثــــــر مـــــــــــا ضـــــمــــــت صـــــلاتــــــه فـــــــــــي جـــبـــيـــنـــه عـــثــــرتــــه مـــــــــــا كــــــــــــان خــــــوفــــــه فــــــــــــي رضــــــــــــاه نــــــــــــــام يـــــــحـــــــرث مــــوطـــــنـــــه لــــحـــــظـــــة حـــنــــيــــنــــه مــــــــــــــا نـــــــبــــــــت لـــــــــــــــه لا خـــــــضــــــــار ولا حـــــــيــــــــاه يــــاحــــنـــــيـــــن ومـــــــــــــــــــن عـــرفــــتــــيــــنــــي حــــــزيــــــنـــــــه لـــــــــــــــن خـــــــالــــــــك فـــــــقــــــــره الـــــســـــافـــــل عـــــــصــــــــاه مــــــــــــــا لـــــــقـــــــى لابـــــــســـــــط مـــعــــانــــاتــــه ســـكــــيــــنــــه وان لــــــقــــــاهــــــا صــــــبــــــهــــــا يــــــشــــــفـــــــي عـــــــــمــــــــــاه هــــــــــــــذا خـــــــالـــــــك وانـــــــتــــــــي مـــــثـــــلـــــه تـــعـــرفـــيـــنـــه كــــــلــــــمـــــــا ضـــــــــــــــــــاق بـــــــــوطــــــــــن شـــــــــالــــــــــه وراه وابـــتــــســــم فـــــــــــي وجـــــــــــه مـــــــــــن ســــــــــــود يـــمـــيـــنـــه واشــــــعـــــــل لـطـــــــــــــوق الـــــــحـــــــزن حـــــــبـــــــة هــــــــــــــواه يــــنــــتـــــحـــــب وخـــــــــيــــــــــوط ذاكـــــــــرتــــــــــه ســــجـــــيـــــنـــــه يــــــــــــوم طــــــــــــاح الــــــدمــــــع يــــســــجــــد فــــــــــــي ثــــــــــــراه لـعبتك وش هي لجل تقهر بطينه غير جيبه ممتلي ضيق ونساه طـــــــــــــاف حــــــولـــــــه يــــرتــــجـــــي غــــيـــــمـــــة ســـنـــيــــنــــه ومــــات حــولــه سـاعــتــه وغـيــمــة ســمـــاه |
ههههههههه
مو حزن.. لكن حزين |
مثل صندوق العرس
ينباع خردة عشق من تمضي السنين بس مو حزن.. لكن حزين الله يا مظفر |
مريت لك بالغيم ويدينك الريح ... ... ... واضويت لك مصباح يطفي ظلامك ونبشت لك من ذاكرتك المراجيح ... ... ... واهديت لك شعرٍ يشابه كلامك ما خانتك ذكرى ولا عينك تصيح ... ... ... فيك الرضا يشبه طريقة خصامك من علمك تكسر زجاج المصابيح ... ... ... غير الطريق اللي تيتم امامك اقفلت باب الهم هاك المفاتيح ... ... ... حزمة همومٍ خلف باب اتهامك شرفتني بالهم ظلمة وتجريح ... ... ... وعلمتني ان الشقا في غرامك مريت لك يالغيم ويديني الريح ... ... ... واكسر لك المصباح واضوي ظلامك تصبحون على خير.. |
بوصيك يالجدار عن اتطيح وتنهدم
|
سكر الموضوع
بيني وبينك حكي ما مر له أسبوع |
أنتي وين..؟
خلينا نصك الباب ونتحدث شوي عن كل شي اللي صار واللي يمكن يصير خلينا مثل ما احنا بس نطير ونتحدث بصوت مزعج يمكن نصحي البيت اللي نايم ونحجب بياض الليت وننسى أنفسنا أنتي وين..؟ اريد اعاند الاحزان اريد اضحك مثل اول ونضحك الحيطان هناك بقيه تركتها لذاكرتها |
ليه نحب..؟ ونزعل ليه طول الظلام نسهر ونصحي معانا الشمس ليه نحب..؟ وقلوبنا بيضاء مثل الورق ليه نرضى.. قلوبنا تحترق ليه الصدق نادر مع الناس من فين اللي يكذب؟ عشان يحب قلت قلوبنا قرطاس وما مداني اقول حبيبي ينساني.... والحب ينساني انا لي قلب ابيض مثل الورق بس احترق وراجع أحب ثاني |
أندهك من خوفي بطيبة فال والليل بك.. ما كان له داعي سميت بك عزمي وأنا رجال ما ضاق لا صدري ولا ذراعي احيا بوصلك والسنين ثقال مرت ثوانيها وانا واعي من يشبهك في ظلمك القتال غير الحزن والحظ والساعي انا انا..والحال نفس الحال زعلان من نفسي واوضاعي :) |
راحت تجيب العذر من كل شمعه وتقول للجالس على تل الاحزان من يسرق بعيني من الشوق دمعه ويصير له قلبي حياة واكفان من ياخذ بصوتي الى شوق سمعه واقول له يكفي من الشوق ما كان قلت الذي ماخوذ من شف ربعه وده يكون اليوم من جنس الانسان |
مثل الفراق وضيقة البال والخوف عودت نفسي التقي مع سرابي مثلي كثير.. وموعد النور مخلوف على الزمان الجاي يكثر خرابي بردي دفا لو ساتر الجرح مكشوف وانسى احبك يا سماي وسحابي وابكي لموعد كان عاري ومكسوف مثلي..! وانا مزحوم داخل ثيابي |
1 مرفق
|
تركت العتب على بابها.. ومشيت.. اسحب معاي الحزن وبعض الكلام قالت بنام ومشيت انا وحدي وخلفي جروح السنين وقدامي الظلام ما ادري لوين امشي..! او لمن امشي المهم اني تركت الغرام حبيبتي.. قبل ما ننهي فصول الشقا وقبل ما ننسى اول لقا بقى شي واحد قبل الختام ردي قلبي وعيوني وارد لك كل الكذب اللي عشته في ثمان اعوام |
بين الجفا باب وبين العطا باب
امد كفي والقاني اني حزين اشتم الميلاد اللي وراه الخراب واعلق الياس فوق متن السنين يا عذاب العذاب يا عذاب العذاب قلي على ايش ناوي بقلب الحنين |
راجع من الجفا.. من الخوف راجع من الخوف راجع.. راجع من الجفا لي ثمان سنين.. بـ سقف الموادع اشوف من لجلي سهر ومن منهم غفى متعثر الحظ بي.. وحظي يصارع واعثر انا بـ قلب بلا ذرة وفا طاحوا من العين.. مع غزير المدامع وما عاد لي برد وحنين ودفا راجع من الجفا.. بس ليه راجع يا رب.. خايف من طريق الجفا |
قالت أحبك.. قلت و الحب بدري اخاف تنساني على مر الايام قلت النسم يا بنت ما عاد يدري باقي حياته.. والمقادير قدام من له ثمان سنين يجري ويجري خلف الوهم.. معذور من كذب الاحلام طاح العتب.. باكر تلاقين عذري عين الصواب ولابس العذر هندام خايف أحبك.. يا بعد نصف عمري وباقي العمر.. انا ذخرته للأيام |
راجع من الالم
من النواحي البعيدة من السهر والتعب من الصعب.. راجع من كلام الناس والعيون.. من الافلاس!! من حكايات الشوارع راجع بلدة الاحياء والموووت.. راجع من عذب السكوت ومن التفاهات راجع من كذبة الذات والوهم والعدم ومداد القلم راجع من اللذه.. من الطيش والتسكع راجع من التوقع.. والخساره والانتصارات راجع من سرير الوحل من الفشل من غرفتي الضيقه القاتله المقتوله راجع من السهوله والخوف والقلق راجع من صلاتي وتسبيحي وسورة الفلق راجع من عيون امي المريضه وصوتها الخافت راجع من يديها المتجعده وحبها الخالص الخالص راجع من صبر والدي المتعب وضحكته الباهته مثل لون الحياة راجع من خاتمه الفضه وفصه الاخضر مثل قلبه راجع من كل شي حتى من الموت. |
تركت لي باقة من جحيم ورحلت الى انتصارها المزعوم والقذر..
تنكست خلف مساويها كل ارصدتي من الحياة ومع هذا ما زلت انبض بالحب والرضا اليها حيث شاءت وشاء قدر الفراق والبكاء انا بعد الحزن والانكسار الصعب تعودت السهر ومحاكي الجدران من اول ليلة وفارقنا والكذب وساعات الوعد.. مشوارنا الخوان احس اني الوحيد الا بطعنة قلب اموت من الحزن.. من قسوة الانسان تعبت ابقى على الهامش مجرد ذنب وحيد وما معي غيري من العميان |
سأبحث عن قلب آخر يأويني
|
أو عن موت آخر يحييني
|
سأبحث عن شيء يرضيني
|
الان في صالة البليارد مع رفاق الطفولة والارض والبكاء نحاول اغتيال بعض الحزن والملل..
العب.. وخلي ليلة الحزن الطويل تموت ابشرك بطعوني مالها ف الذاكره خانه تعبنا والمسا مثل القلوب الخاليه من صوت نردد به على صم المسامع بأول الحانه |
| الساعة الآن 11:00 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir