اقصد سؤال وقلبي من عنا الوقت تبدل
صرت ما أفهم شعور أقرب الخلق عندي

اخفت احساس الغرام وحروفها من رجفة الألم
تبعثر //كررت سؤال والرد قبل الإجابة تمكن
وش سر الي خفته ملامح الفرح بكلمة ( اتعوض)
صرت بالحيل أخاف من قرب أقرب أنفاسي واتعثر

طال السكوت بأيام وأشهر وكل شي
بخافقي تبعثر من أول الشتاء وحالي
بحال اليتم الي يحتضن في جو الثلج
ويتبسم ،،، من دفى الاحساس لمدة اليد
وحاله بين رجاء وخوف وثقة مثل سقوط
الثلج على سقف حمى قلب مؤمن ،، والغياب
والفقد مثل عسكر على باب الضمير الي مات
ولا تصكر ،،، شوف دمعات الأسير على خد
الزمن الاغبر ،،، تصرخ برجاء الي عيونه ما
تنام وحال بعض العرب مثل المثل الي تكرر

لا اشوف
لا اسمع
ولا أتكلم


يا كيف تغلق عيونك عن حق بات يسلب
ما كفاك موت الطهر على غصن أخضر
يا حال أمة محمد وين العروبة الي دعت
شرق الأرض ومغربها ،،، وين الضمير
الي كان بزمن اول والناس تصرخ من
الجوع وكف المسلم من دمه يزرع؟!
وين الي سمع بآخر الكون صرخة قهر
ومن غيرة الدم بحور الدنيا عبر، بسالك
يا اخوي لي متى دم العروبة ينطعن بخنجر
جاره ولا يهز له ركن

ولا يهز له ركن.

أتحمل موت كل شي فيني
إلا الاحساس الي يقودني


الإنسانية

بين ضفتين والماء يجري شي من بعيد
ضوء الشمس عليه ويتلالا وخفت اتقرب
وانغرم فيه وبين موجات الظروف يتبدل
واضيع بين موج وجبل وغروب شمس
تشرق بكون مالي فيه متجر... غريبة حيل
دنياي كيف تشكل ،،، ترسم لي لوحة من
اخضرار الروح وأكثر واهيم فيها واتغنى
واعيش بين مواويل الفرح وينكسر وينقطع
وتر العود واتحير!! لي متى دنياي تنتشلني
من جرح وتغرقني بغيره؟! ولي متى الصاحب
الي ما يخيب فيه ظني يعود يثبت لي قيمتي لو
دنياه بحر الظروف تغرق.

خذاني وكنت من ضيم العشق اتحسف
اخفي بداخلي شي أكبر من بوح قلم ينثر
واخاف اقترب وارجع مثل الأول
يوم وراء يوم وهالقلب رفض يتعلم
لين هام وعاش العشق من أول
وصحوة لا في خافقي تثقل ،، الأمل يا
ينسى والنوايا اصفى من صفاء السماء
وأكثر واثاري غيوم الغياب تشكل المحها
وأقول عيوني من طول السهر ناوية تفقد
بصرها ،،، قمت اكذب احساس الفراق وأول
تباشير الغيوم قطرة ،،، قلت السماء والمطر
أصحاب والأرض تعشق قطرات السماء ،،،
وصوت الرعد وبروق والدنيا صارت سماء
وماء لين بذور الحب بوسط الماء ترجف
وبدأ الخفوق برعشات الخوف يفطر واعتلى
صوت (لا) مستحيل يتحقق .

ما اقتحم أحلامك وضيعت احساس بداخلك يكبر
حالي من حال الي بحياتي ما تعلم

تجره أيامه وينرسم له خط الفراق
وهو يتأمل وبصوت من الخفوق

على مسمعه يتكرر (خلاص رحل)
مثل غيره ورضا بالي حدث وكمل


كفاية يا قلب علمني ليه تنبض
كفاك درس من الأيام واتعلم


من تخلى لأجل ظروف الأقرباء
عنك وش تنظر منه أكثر؟!

مو دايم يموت القلب من طنعة دختر
احيان يموت من رد السؤال أكثر

ابي أعتاب لين نبض هالقلب يهدى
وأبي أزيد من السؤال لين روحي


من هالرضا تعمى ،،، قلي ليه
بعد كل كسر كل شي فيك ينام

وفيني يصحى ،،، هو ضميري
عن بقايا البعض اصحى ؟!

اليوم غزاني القلم قبل الروح تصحى
قلت ابي انثر احساس من غياب بات


يرقى؟!