|
غصه مكبده
اقدم لكم هذا القصيده بفن الرزحه واتمنى
تنال اعجابكم سميـت بالمغني الغني عزوجل*** خالق سماء هالكون وبلا اعمده واذا ذكرته سيدي خير الرسل*** هبت على قلبي هبوبه بارده الشكر واجب بالمحن مهما حصل*** لازم علينا في الشدايد نحمده قلبي على جور الزمن قد اكتهل***وبعض الخلق قلوبهم متجمده ياالادمي بنشدك عن حبل الوصل*** عند القرايب ليش دايم جاحده مسكينه اللي شالتك وبلا كلل*** تبكي جحود الخير ياكيف اخمده جلمود قاسي هالقلب قطعة جبل*** ماترف عينه على الجفا متعوده قلبي على ولدي زلالٍ انهمل*** وابني عقوق الكون كله حاشده الدمعه اللي تنحبس ماتنهمل***من كل احساسه الحنان اتجرده تفتف فوادي والجرح ما مندمل*** واصبح فراق الخل غصه مكبده واللي لقى عن عز خلانه بدل ***ما يدوم عزه دام جاحد سيده لاتشغلك سلمي عن وصال الاهل*** في وصلهم تبقى حياتك مرغده لاتغرلك ناسٍ ولو فاحلا حلل*** لقلوب سوداء وبالحيل متصفده الصدق في بعض الضماير اضمحل***والضحكه اللي ترتسم متفسده بعض الموده بدرها قد اكتمل *** وتعيش في كنوز الهوى ازمرده بعض الموده اتعيشك بالمعتقل *** الفكر والاحساس كلها مقيده لاتقول حرمه وماعليها متــّكل*** وايد رجالٍ بالنساء متعضده العصر ماشي متزن مافي خلل*** عقولنا في الكون بو متشرده يمشي نظام الكون بالحكمه ومهل*** واجب علينا كل دقيقه نوحده واختم كلامي بالذي خلق النحل ***وخلا على عرش الخليه قايده |
ابداع ولا بعده ابداااااااع وااااصلي مشوارك وانا لك من المتابعين
|
الله عليك أستاذه كاملة
قصيده جميله مليئة بالحكم.. قرأتها أكثر من مرة وسأعاود قراءتها.. صح لسانك |
الأخت الفاضلة كاملة البلوشي السلام عليكم ورحمة الله وبركاته صح السانك ولاهان منطوقك أبدعتي وأتفننتي................ أسعدني ما قرأت .. تقبل مروري سجلي إعجابي وتقديري العميق |
أختي العزيزة كاملة البلوشي
سرتني كثيرا هذه البداية الموفقة في الكتابة بفن الرزحة ، وإن شاء الله القادم سيكون أقوى واجمل ، وقد أجريت بعض التعديلات البسيطة التي ربما سقطت سهوا في الطباعه فاسمحي لي على ذلك . أتمنى لك دوام التوفيق ،،،، ودمت بالف خير |
واللي لقى عن عز خلانه بدل ***ما يدوم عزه دام جاحد سيده ألله ألله يا كامله أبيات في غاية الجمال إتقان وإبداع منكِ في قصيدة شعر الرزحه بالتوفيق إن شاء الله وإلى الأمام |
الله الله الله الاخت الفاضله كامله البلوشي ابيات جميله جدا ورائعه في فن الرزحه وفي غاية الجمال والابداع واصلي ابداعك الجميل والرائع وتقبلي تحياتي |
ألأخت الكريمة كاملة البلوشي شكراً لكِ على هذه القصيدة الجميلة والشكر موصول للآخ ابومسلّم الصلتي على ماقام به من تعديل على بعض ابياتها تقبلّي مروري وتحياتي العطرة أختي العزيزة |
جميل ورائع ما كتب هنا..
قلم من فضه وذهن من ذهب.. |
اقتباس:
اشكرك اخي الكريم على المرور الجميل ولك مني اجمل التحايا |
| الساعة الآن 04:57 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir