هذا بعض مني ..


(( شموع العشق ))



تراودني شموع العشق ..

وتعزمني على الماضي ..!!

وأنا ماضي ..!!

تقول الله ياااا صبرك

وقـلـبـك أخـضــر وزاهـر

و نـُـوّار الليالي البيض

قمرها ما نسى العاشق ..

أيا عاشق ...

كبرت ... وكذبك الصادق ..

أحاسيسك ..!

كذا الشاعر ..

متاهات .. وزوايا ... وودقّ..

تحـس الفرق ..

بْعـشق الناس من عـشقي ...

أكيد الفرق ..

زوايا المد ما تخفى عـليك .... وللشموع اْعـيـون

أيا عاشق ..

أعرف أنـك تمد الشوق من تحت الرّدى .... وَطِــيّـر..!!

واْعرف أنـك تــْصَحـي النجم فــْــغــيابي ...

ومن تكثر .. تــَضَــوّيـني ..

كذا العاشق .. ضــماه اْغـياب ..


يْـلـوّح بالنظر مرتاب ..

قــوافــل .. شوق تـُومِـيـلـه ..

وأنا شمعك ... نجومك ... لين ما تشبع .. يـقـيـن ..

وغـمـض أعـيـونك ..

ونـاديـني .. تلاقـيني ... تلاقـيـني .

.................................................. ...........

أنا ..

ما قلت :- ما قلت لك يا شمع ...

هداني الصمت .. لحـضان الـيـقـيـن ...

ومد لي صبري ..

هداني للكهوف ...

وخلوت الإيمان .. والمسرى ..

تــْحــيـّـد ... الـنهـر ..

الـنهــر .. لي في داخلي ..طميه .

تـصـدع لين ما أصبح .. فجاج.. !

وكل بـسـاتـيـنه... ضـوت غــبـرى ..!!

بـــوارح .. صيف...

أيمم .. للبياض اللي يناديني ..

من دْمـوعـك ..

أنا طـوعـك ..

أخذت اْبدمعك الغالي .. من أيدينه .

وأنا مالي ..


شتاتي .. تم ....

ما بيـن الـدْيــن .. وَدْمـوعـك !!

أيا مـسراي .. وهـو فِـ يـدي .!!

وَبـَرّدكْ .. والشتا .نـافــرّ.!!

فـقــدت خطاي .. لا ســافــر ..

وْنــَــوّار اللقاء .. ساهـــر ..

على ذكراي ..

فقدت خطاي ..

دمــوع العشق ما ترحم ..

تـْـصَـحـي الصيف من جمرة ..!!

ولـه عـذره ...

يذكرني ليالي الذنب ..

في شمعي ... وأنا حاير


صالح السنيدي

هلا بالعزيز الغالي .. وليد الحضرمي

تعقيبك يثلج الصدر ..


لك ودي ..


تحياتي // صالح السنيدي

غربة أسير ..


ما عليك زود يالعزيزة ...


تعقيبك يملاء السماء ...

ألق .. وضياء ..

لك الحسنى ..



تحياتي // صالح السنيدي

النبيلة .. نبيلة مهدي

كل الشكر .. والتقديري ..

لشخصك .. الكريم ..


تحياتي // صالح

الغفيلي الاصيل ,,

تسلم يا كريم الأصل .

دخولك تشريف..

ولك التحية ..

صالح السنيدي

نورة البادي

العزيزة .. لك التحية والتقدير ...


وأشكرك على تعقيبك ..المحلق .. للعنان .


تحيه .


صالح

أختي الكريمة

الجمال الراقي حضورك ..


مشكورة ..

تحية // صالح