|
حمود المخيني / أخباري
السلام عليكم نص جديد اتمنى ان يصل لقلوبكم ما دامه خرج من أعماق قلبي :) نص بعنوان : أخباري يلّي تسائل...ويش هي أخباري ؟ أنا ( جفاف ) و ( شوفتك ) أمطاري تعال ارسم في شفاتي بسمة ما للفرح من ( يوم هجرك ) طاري تعال اقرأ في قصيدي حبــّــك واترك طلاسم ما لها من قاري ! تعال ضمّد جرح من أسبابك بعْد الله انته ( للمنازف ) باري مشتاق لك شوق الغريب لداره أنا الغريب و ( جوف صدرك ) داري ! جرّبت أطفّـي ( لهفتي بك ) لكن شبّت ( براكين الوله ) في ناري حاولت أفكّر كيف ( أغري ) وصلك عشان بسّ تحيط بك أسواري ! فكّرت / لكن ما لقيت الفكرة لنّك رحلت و سبْقَـــتك أفكــاري ! ان كان ( وصْلك ) ثوب .. شلّي يستر ؟ عاشق بقى من بعْد هجْرك عاري ! وان كان هجرك ( جار ) / لا جـار الله الجار يلّي جار بــيت الجــــار ِ وان كان بعْدك ذنب / والله بغْفـِـر ونا على ( كثْر المسامح ) ضاري أدري .. ( غريب الطور ) لكن ! .....ارجع أنا أحبّك في جميـــــع أطواري ! جلست أسولف مع خيالي يمكن يهذي ! / ويحكيلي معك تذكار ِ حتّى تكلّم عن : ( فراقي عنّك ) ألين طاحن ( أدمعي ) مدراري يللي تسائل ... - انت ! - ...ويش أخبارك ؟ تقدر كتوفك تحتمل أعذاري ؟! كانت هنا .. ازهار ( تزفر ) عطرك يا للأسف .. غاب العطر و أْزْهاري أمّا تجيني .. تستمع لأخباري ولّا أموت .. وتوصلك أخباري ! شكرا |
كلمات جميله تنساب الى قلوبنا بشفافيه "
كل الود" غصون |
أحسنت يالمخيني رائع قلمك
واتمنى لك التوفيق قصيده جزله ((ابوسامي)) |
المخيني
أشكركـ على هذا الإهداء الرائع وما جادت به قريحتكـ لافض فوك |
حمود
نص جميل مثل جمال روحك عذب سهل ممتنع صور شعرية راقية أمّا تجيني .. تستمع لأخباري ولّا أموت .. وتوصلك أخباري ! لك مودتي هيثم |
حمود المخيني .. نص تسابقت فيه العاطفة مع الجمال .. لك الود أخي الكريم .. |
نص رائع جدا
ربي يعطيك العافية |
حمود المخيني ,..
وكأنك وارد ب بئر الشعر وتشرب منه ما تشاء .. طاقة شعرية طافحة .. لا أقول هذا لأنك صديقي .. ولكن الحق يجب أن يقال .. لا عدمناك . رائع . |
أبيات بصراحه حلوه... تسلم أخي |
أخي حمود ... صح لسانك
احييك على هذا النص الرائع بمعنى الكلمه أطربت مسامعي بمعزوفتك المتميزه.. دمت على التميز ... ولك الود مع الورد |
لي عودة
اسعدتموني حقا |
غصون ذابلة
اشكر مرورك |
أبو سامي
مرورك جمي ل كن بخير |
مبارك السيابي
ربي يسلمك اخوي |
| الساعة الآن 11:37 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir