|
سالم الريسي والوسم
القصيدة مهداة للشاعر سالم الريسي بعدما وصفوا لنا دواه عن السعال وهو الوسم وقلنا نستغل هذه الفكاهة ونعرض لكم هذا الرد آيـا شـكى مـن عـوق أنـهكـلي عـظامي فـي مـضجـعي يـبقى وبخلوتي جليسي قــلت الــدوا ويــنه ويــرد بــو ســامـي قـال الـدوا مـوجـود مـع سـالـم الريسي نــار الـوسـم بـيديـنه تـشفـي اسـقامـي واسـأل ابـن وشـاح وسـعيـد الـفطيسي سالم خبير شناص وسمه سخن حامي مـن يـوسمك ترتاح تركض مثل ميسي تــاريــخه ومـاضــيه مـن عـدة أعـوامي مـعروف فـي رومـا وجـنيـف وباريسي قـلت اصـبروا يـانـاس مـاريـد وسّامـي يـكوي عـروقـي ومـا يرعى أحاسيسي جـسمـي مـن الأسـقام عـاثـر وم ينامي وش عـاد يـبقى مـن أكـتافـي ورويسي أمــشي بلا تــركــيز لـلنـاس مـتعـامـي كـني صـغيـرٍ طـاح مـن نـطحة التيسي مــرن عـلى الأوجـاع اشـهور وايـامـي وأنــا مــع الأيــام فــي حـظي نـحيـسي لـــحظة ي ســالــم لا تــهتــم بــآلامــي كـلهـا شـهر وتـروح ويـروح تـعفـيسي تـرا الـوسـم يـترك في الجسم أوشامي م يـزيـد فـي الأثـقال في كيسك وكيسي والــختــم صلوا ع المــختار لتــهامي هو الشافع المعصوم مـن ظلمة ابليسي والسموحة من الجميع |
الله يشافيك إن شاء الله أستاذي محمود ولاتحتاج لين سالم الريسي ..ترى اللي يوسمه طوّالي غرفة العمليات . لذا ربي يسلمك ويشافيك من السعال ويجعل لك في كل خطوه سلامه أنه سميع قريب مجيب الدعاء |
تسلم ربي يشافيك ويسلمك
وماظن تحتاج وسام |
اقتباس:
اللهم آمين أيوة الحين غيرت رايك بعدما وصفتلي دوا سالم الريسي ربي يحفظك أخي بوسامي |
اقتباس:
ويعافيج ربي اختي كاملة لا الوسم من يوم صغار يحاولون علينا بس كنت أشرد :) |
الله يسلمك من كل داء ولكن اقول لك كما يقال مايردك على المر غير الذي أمر منه
|
اقتباس:
الحمدلله زيت الزيتون والعسل جاب نتيجة ومافي داعي للوسم الله يخليكم ان شاء الله ويبعد عنكم السعال |
محمود النبهاني الأزدي
هلا بك .. شافاك الله وعافاك وفي جنته أواك .. وأوانا وإياك .. نابه زين الوسم .. تحية جميل هذي العذوبه .. صالح السنيدي |
اقتباس:
استاذي المتميز دائما محمود النبهاني انت فعلا أنسان مميز بجديدك وباسلوبك الرائع واقولها بصراحه متميز بالفكاهه والسرد والتصوير والكشف عن الجوانب الخفيه التي لا يستطيع سواك الوصول لها بامانه اخجلتني وما عارف شو أرد؟؟؟ سوي اني أصفق لك بكل حراره واشكرك من قلبي فعلا أسعدتني كثيرا بهذا الاهداء أيها الراقي................... |
اقتباس:
هو زين الوسم ماقلنا شي بس لما نحصل شي أهون عنه يكون أفضل شكلك ناوي تجرب الريسي موجود |
اقتباس:
لوماغلاك ماكنت سويت القصيدة تستاهل كل خير أهم شي نسويلك دعايا وبصراحة إنت اللي اخجلتني بكلامك يعطيك العافية |
حلو هذا التنوّع في مشاركاتك عزيزي محمود
وجميل وقوفك على توثيق بعض المواقف الإجتماعية شكرا لقلبك الكبير |
جميل انت استاذ محمود النبهاني
اسولبك الفكاهي المتميز يبهر المتلقي ويجبره على احترام شعرك الجميل اذا الوسام سالم الريسي احسن تعذر شفاك الله من كل سقم وعلة |
اقتباس:
وهو من باب التواصل لاهنت يالنعيمي |
اقتباس:
|
حياك الله الاستاذ محمود وما تشوف شر ان شاء الله...
أنا اقول عليك بالحجامة والله طيبة.... |
حياك الله الاستاذ محمود وما تشوف شر إن شاء الله...
أنا اقول عليك بالحجامة تراها طيبة والله... |
ما تشوف شر يالنبهاني
وشكله سالم بس كان وده يساعدك هههه سلمت يمينك ع الطرح ونتريا الزوود من صوبكـ |
محمود النبهاني ,,,,
رائع اينما ذهبت الأبداع يرافقك في جميع كتاباتك قد تكون القصيده من باب الفكاهه والدعابه ولاكن جمعت الكثير من الفن ومن الصور الشعريه أعجبتني القافيه حيث جمعت بين الردف و الروي والوصل نسأل الله الصحه والعافيه للجميع |
احم احم احم
أنا أعجبتني القصيدة بس عاد شنو الوسام السموحة أختكم ماعندها ثقافة طبية.. بذات طب أخونا سالم الريسي.. بس ما شاء الله عليك أستاذي محمود النبهاني رائع في كتاباتك.. كل الأحترام و التقدير |
| الساعة الآن 02:10 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir