|
الــظـــلم
الظلم وش بعد الظلم وإنتو أكلتوا حقنا وإحنا نصفق ما عرفنا وش يصير وما يصير الظلم عنوان القلوب إللي تمنت قهرنا عشنا وشفنا وانتهينا في مرض مزمن خطير الناس معدومة ضمير وروح وإسأل جارنا قله : دريت إن الصراحه ماتت بعالم حقير كل المناظر والصور كل الجروح بعمرنا صارت تبايعنا الألم وصرنا لها خاتم أمير يا طول ليلن لو قصر ما عاد يفرق عندنا أصلا إذا حل الضياع أحيان له تفسير غير وش عاد لا صار الحبيب بعيد وراح وذلنا حطم حكايات الهوى والشوق والحب الكبير يا حب وش معنى غيابك ليه رحت وبعتنا ؟! يا حب وش معنى سكوتك وين تارك هالضمير طيب سكتنا والسكوت أحيان يشبه قولنا ! أصلا درايش حينا قالت وما قالت كثير خل الندم يا صاحبي خلنا نعاتب بعضنا أصلا إذا قلنا نحب الحب أعمى أو ضرير أصلا إذا حسيت بي ميت تصير تحبنا وش فايدة حبن قتل إنسان إحساسه مثير بركان حبي ما خمد لليوم يسأل ويننا ؟! لكن جوابك فاتني عيده أبي أسمع وأطير ضايع أنا في دنيتي محروم من عمري الهنا واقف أعاند صرختي دنياي ما تحملي خير عيني وتعبها السهر جفني وصار يملنا يا ظلم وش حدك عليّ أرجوك خليني وسير الظلم وش بعد الظلم وإنتو أكلتوا حقنا وإحنا نصفق ما عرفنا وش يصير وما يصير سارة البريكي 23-4-2007 |
خل الندم يا صاحبي خلنا نعاتب بعضنا أصلا إذا قلنا نحب الحب أعمى أو ضرير أصلا إذا حسيت بي ميت تصير تحبنا وش فايدة حبن قتل إنسان إحساسه مثير شاعرتنا المتألقه سارة البريكي السلام عليكم ورحمة الله وبركاته جميل أن نرى هذه القصيده الرائعه بعد أن سمعناها بصوتك الشجي يسعدني أن أكون أول الواصلين لهذا النص العذب .... سلمت أناملكِ سيدتي الفاضله . |
سارة .. جميل
سارة البريكي أبداع .. يلتقي فيه الشعر الجميل .. وابيات تتحدث عن .. أبجديات الروعه .. انتي رااااااااااااااااائعه . عزيزتي سارة لك الورد صالح السنيدي |
ساره البريكي
صح الله لسانك ملايين ودمتم للإبداع وطن |
الشاعره الجميلة ساره
جميل ما كتبتي من ابيات ايتها الراقية الالق حالف حروفك لك كل التوفيق |
اقتباس:
صدقتي ساره .. وهذا البيت يكفي والاصدق انا لازلنا نحب ونحب ونحب ... ونسمع ونرى التحطيم من حولنا .. ولكننا نحب مشكوره سيدتي |
الظلم عنوان القلوب إللي تمنت قهرنا
عشنا وشفنا وانتهينا في مرض مزمن خطير قافية تحاكي العصر بلاشك لاعدمنا قلمك ياسارة خل الندم يا صاحبي خلنا نعاتب بعضنا أصلا إذا قلنا نحب الحب أعمى أو ضرير الأعمى مرادف للضرير أقترح إبدال الأعمى بالأعور تحياتي لك شاعرتنا |
هلا بك ساره...
شكرا لهذا الطرح الجميل تعليق واحد فقط على هذا البيت وش عاد لا صار الحبيب بعيد وراح وذلنا حطم حكايات الهوى والشوق والحب الكبير الواو في كلمة( وراح) زايده وممكن ماتلاحظ بالسمع ولكن بالقراءة تشعر بكسر بسيط جدا... فقط وجهة النظر هذا لا يقلل من كونك صاحبة قلم مشرف.. لك الود |
السلام عليكم ورحمة الله وبركاته..
الأخت ساره البريكي شاعرتنا، بك اهلا شعرا وشعور، القصيده مر بها الوقت من يوم كتابتها إلى ان حلت رحالها هنا بعد رحله طويله اكسبتها الجمال وملامحها كما هي بريقها باقي ومساحاتها غنيه اسعدني قرائتك هنا أختي ساره بارك الله أوقاتك وأسعدك بأذنه، احترامي وتقديري |
طيب سكتنا والسكوت أحيان يشبه قولنا !
أصلا درايش حينا قالت وما قالت كثير كثير أطربني هالبيت لهجته الشعبية رائعه عمق الطرح فيه أروع تواجدك هنا يضفي القا ً وضوء |
قصيدة مميزة
لشاعرة مميزة سلمتِ |
شاعرتنا ساره البريكي نص جميل كل التوفيق لك ِ تحياتي |
ساره البريكي جمييييل هذا التواجد
الأبداع ليس بغريب عليك بحكم معرفتك القديمه ب تركي الحبسي حيث أني سبق أن سمعت أغلب قصائدك المنشر منها وحبيسة الأدراج ,,, ولاكن تواجدك هنا أسعدني كثيرا أضل دائما كما عهدتني بعييد كل البعد عن المجاملات دائما أحاول أن أستخرج جماليات القصيده وسلبياتها أن تواجدت الظلم وش بعد الظلم وإنتو أكلتوا حقنا وإحنا نصفق ما عرفنا وش يصير وما يصير دائما لك طابع مختلف في المقدمات,, ,,دخولك للقصيده جميل وبقوه تميزك عن غيرك الظلم عنوان القلوب إللي تمنت قهرنا عشنا وشفنا وانتهينا في مرض مزمن خطير تكرار الظلم؟؟؟ غرسك لموضوع القيصده في بيت 2 أصرار لتوضيح صورتك الناس معدومة ضمير وروح وإسأل جارنا قله : دريت إن الصراحه ماتت بعالم حقير جميييل كل المناظر والصور كل الجروح بعمرنا صارت تبايعنا الألم وصرنا لها خاتم أمير يا طول ليلن لو قصر ما عاد يفرق عندنا أصلا إذا حل الضياع أحيان له تفسير غير وش عاد لا صار الحبيب بعيد وراح وذلنا حطم حكايات الهوى والشوق والحب الكبير وراح هنا ليس كسر أنما جبر يا حب وش معنى غيابك ليه رحت وبعتنا ؟! يا حب وش معنى سكوتك وين تارك هالضمير طيب سكتنا والسكوت أحيان يشبه قولنا ! أصلا درايش حينا قالت وما قالت كثير خل الندم يا صاحبي خلنا نعاتب بعضنا أصلا إذا قلنا نحب الحب أعمى أو ضرير تكرار المعنى في الشطر الواحد يضعفه أصلا إذا حسيت بي ميت تصير تحبنا وش فايدة حبن قتل إنسان إحساسه مثير هذا البيت مثييير جدا بركان حبي ما خمد لليوم يسأل ويننا ؟! لكن جوابك فاتني عيده أبي أسمع وأطير في قمة الجمال ضايع أنا في دنيتي محروم من عمري الهنا واقف أعاند صرختي دنياي ما تحملي خير ساره ؟؟؟؟ عيني وتعبها السهر جفني وصار يملنا يا ظلم وش حدك عليّ أرجوك خليني وسير عيني ويتعبها الظلم وش بعد الظلم وإنتو أكلتوا حقنا وإحنا نصفق ما عرفنا وش يصير وما يصير كل ماقلت مجرد رأي القصيده بشكل عام تحلق في الأفق ساره أنتي دائما في المقدمه تقبلي مروري بصدر شاعره |
تسلمي تسلمي تسلمي كلام جميل وراقي متميز انتي نتريا جديدك |
اقتباس:
شكرا لك على مرورك العذب اطلالتك تسعدني كن بالقرب |
اقتباس:
مرورك شرف شكررررااا لمرورك الرائع |
اي والله صدقتي يا شاعرتنا قصيده مليئه بالجمال الجوهري والحكمه سلت يمينك ياأخيه على هذا النزف الجميل |
نص جميل يا سارة ,,
ولكن كنت اتمنى ان اجدكِ افضل من هذا المستوى فأنتي قلم نسائـــي يمثل شاعرات السلطنة .. اتمنى فقط ان أقرأ ما يُستحق ان يُقرأ لكِ بعد الشهـــرة !! احترامي لقلمك غصون |
ساره
نص مميز للغايه وجميل وراقي لم امر منذ فتره على هكذا نص ممتع صور احاسيس مرهفه جميله غير مصطنعه ولو مريت على النص من البدايه كان ثبته بامانه لانه من النصوص اللي تروق لي سالم |
[color="red"]الشاعرة سارة البريكي [/color]
كل الود والاحترام لك مشفوعة بالمشاعر الجميلة المستوحاة من بين طيات هذه الابيات الرائعة.. شكراً لك... |
كل الود والاحترام للشاعرة سارة البريكي....
مشاعر عذبة مستوحاة من كلماتك الرقيقة التي طافت بنا بين ربوع أبياتك الرائعة.. شكراً لك والى الأمام.... |
| الساعة الآن 08:36 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir