|
ليلتي نحــس ..]
بدون أي مقدمات هنا .. أطرح لكم قصيدتي .. __ ( ليلتي نحــس ) __ شفت الأمل في رجا طلعة الشمس وشفت العتب لا طرا داخل البال وشفت الحواري ظلمها ليلة الأمس ترمز بأشياء مالها بخاطري فال حتى الثواني في خطى ساحة الهمس تكبت حزنها من زمن ضيّع آمال أمس الطفولة زارت الحلم باللمس وحطت دواهي خلّت الراس زلزال تحكي حكايا ويبكي الجن والأنس ويزيد طيشي ويصبح الطيب دجّال ما عاد عندي للحزن قيمة الفلس أسرق شعوري من تفاصيل محتال فيني طفولة وأبيض الشعر كالكلس نصفي براءة ونصفي الثاني هبال مثل البدر لا ظهر دار بالعكس يظهر ظلامه لكن النور لا زال والناس بدري تعرف الغيب بالحدس وتقطع شواطي فكرها عشرة أميال احبس شعوري وانتشي بعزة النفس وأرقى بحضوري دامني مضرب أمثال ما هي خساير لا ولا خمس في خمس دامي جمعت من الحكم كل الأقوال أكبت جموحي داخلي وأخلع اللبس وألبس طموحي وعزّتي عزّة رجال طفت الليالي كلها وخذت لي درس إن المعالي ما تبي قوة جبال تبغي عزيمة لا ضوى ليلك النحس وتبغي مرونة وتبغي أقوال وأفعال نفس العتب في رجا طلعة الشمس ينسى عتابه لا ضوت راحة البال.. تمــــــــت |
مثل البدر لا ظهر دار بالعكس يظهر ظلامه لكن النور لا زال عمار السديري كلمات جميله ومشاعر طيبه سلم قلبك أيها الطيب |
السلام عليكم ورحمة الله وبركاته..
شاعرنا الجميل عمار السديري، مساحاتك عامره بالجمال أخي وهنا تجدد الولاء لجناب الشعر شموخ وفخر واعتزاز وثقه جميله، لاهنت طال عمرك ولاتشوف شر بارك الله أوقاتك واسعدك بأذنه، احترامي وتقديري |
اقتباس:
الله عليك دخول محكم للشروع في بناء القصيدة: شفت الأمل في رجا طلعة الشمس وشفت العتب لا طرا داخل البال ثم تضمنت القصيدة حكم وأمثال مستهلكة لكن بصورة تجديدية نوعا ما: مثل البدر لا ظهر دار بالعكس يظهر ظلامه لكن النور لا زال طفت الليالي كلها وخذت لي درس إن المعالي ما تبي قوة جبال تبغي عزيمة لا ضوى ليلك النحس وتبغي مرونة وتبغي أقوال وأفعال كذلك تضمنت القصيدة صور جميلة : فيني طفولة وأبيض الشعر كالكلس نصفي براءة ونصفي الثاني هبال وخروج جدا موفق والختام مسك: نفس العتب في رجا طلعة الشمس ينسى عتابه لا ضوت راحة البال.. صح لسانكـ وعلا شانكـ سلمت |
اقتباس:
نص جميل تميز بالرقي وجمال المفرده بورك قلمك ايها الشاعر الانيق |
جميل
رائع يالسديري جميل حضور المشرق لك التحية / صالح |
صح الله لسانك وعلى شانك
|
جميعاً .. شكراً لأنكم زرتم الصفحة وانرتم جنباتها .. لكم درزن قُبّل .. |
صح لسانك أخي الكريم نص جميل مثل جمال روحك الشعرية نفس العتب في رجا طلعة الشمس ينسى عتابه لا ضوت راحة البال لك التحية هيثم |
اقتباس:
تشريف منكَ على صفحتي .. يدفعني لأكون معكم .. دمتَ كريماًُ |
| الساعة الآن 02:44 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir