منتديات السلطنة الأدبية - فن امبم بيني وبين الشاعر الكبير عوض ولد شحاري

هذه محاوره في فن امبم صارت بيني وبين الشاعر الكبير عوض ولد شحاري في ولاية جعلان بني بوعلي وتم عرضها في الاذاعه قبل اربع سنوات تقريبا

عبدالله الراسبي

يا سادتي بخلف مثل **** وباصوغ صوغ الاولي ****صوغن بعيصانه زجل ****

عذر وسماحه منكم ****جمع الصداقه والاهل ****سلطان حصل مدعاه ****

وحن ما نشد عنا وسأل **** ثاروا يقربوا له دست **** خنيزي ومن جدمي وشهل ****

من الاشخره وبلادنا **** حدرا فواده مرتحل **** والخاتمه يا فرحته ****

سلطان حصل له نخل ****

عوض ولد شحاري

بتبع مثالك في مهل **** حيا بعرباني واهلي **** اهل الفطانه والعقل ****

ابوغنيم نجمه معتلي **** ف صعود نجمه ما نزل **** كله سعد ومناسبات ****

دايم بحظه يحتفل **** مشغول ما عنده وقت **** بزنس معه صاحب عمل ****

والخاتمه ذا ولد ابوه **** بونه الاسد ينتج شبل ****

عبدالله الراسبي

باشل قولي بالعجل **** سلطان حاوي كل نجم **** زهره وعطارد والزحل ****

هيش قصته في هالدنى **** تاكي على قطعة جبل **** واحنا بعد خوته عوض ****

مبشين لو نلقى محل **** يا صاحبي ما نحسده **** من دام حظه له نزل ****

بس النخل يللي اشتراه **** كله خمايل في غتل **** والخاتمه ما شي عتب ****

قابض ف ربي وبتكل ****

عوض ولد شحاري

الود يكمل بالوصل **** سلطان كلكم تعرفوه **** يصابي فواده بالوهل ****

يوم شفتني واقف معه **** منه تذكرنا فضل **** اذكر فضايل نعمته ****

سلطان يغزل لي غزل **** منه نفيد ونستفيد **** ريلن علينا ما بخل ****

احنا لجوده شاكرين **** والجود ما شين سهل **** والخاتمه يا ابو نصر ****

ماشي ضميرك ف الوجل ****

عبدالله الراسبي

بنزامله ياللي زمل **** بفتح مخازين الطرب *** الليله الطرب حاله بدل ****

بنصوغ له صوغن ثمين **** صوغن يلاجيك بقبل **** محلاك فراخ الهوي ****

حاشا علينا بالبدل **** بالهون يا قاضي الحكم **** في صيغة الحكم امتهل ****

ولا تبوا تحكموا البري **** وفي قضيته ترفعوا الجدل **** والخاتمه شلوا الحكم ****

ويا قايد الاحكام شل ****

وسلامتكم وتقبلوا تحياتي

ارجوا من المشرف في الشعر الشعبي نقل هذا الموضوع الى قسم الموروث الشعبي لانه تم تسجيله بالخطا هنا وتقبلوا تحياتي