سوالف بنات/ يوميات
مدونتي العزيزة أود أن أبوح لك
هنا يومياتي ومذكرات مدونتي العزيزة // صدقيني لن تملي أبدا سوالفنا حلوه |
صباحا
اوصلت طفلتي المشاغبة افنان إلى الحضانه وطبعا هي ما تريد تروح كالعاده تقول : ماماه اريد أنام --------- ولأن ها تحب الكاتشب وايد قلتلها تعالي تريق كاتشب وبسرعه صارت نشيطه وراحت الحضانه ههههههههه في أحد يتريق كاتشب بإنتظار عودتك حبيبتي فنونه |
هذا أحلى صباح لي
بنتي الصغيره سما لين خطت اليوم أول خطوه لها عقبال اشوفك تركضين وتحوسين فالبيت فديتك حبيبتي |
صباحك ورد مدونتي
تدرين هاليوم ويش يكون بالنسبه لي يوم الجمعه وأحلى أيام الاسبوع ١٦/٣ عيد ميلادي الحمدلله اللي عيشني وطول بعمري وشفت بناتي وعقبال يارب اشوفهن احلى عروستين (كل عام وإنتي بخير يا آنا) |
كنت اتمنى فهاليوم أهنيء
أغلى انسانه بقلبي امي وحبيبتي أهنيها بسلامتها على ولادتي أهنيها وأشكرها إنها جابتني لهدنيا وضمتني لصدرها اول ما شافتني أشكرها 'اعتذر منها اني سببت لها تعب كبير لحظة ولادتي يابعد قلبي يا امي رحلتي وتركتي بداخلي شوق لكلمة امي والله اشتقت اقولها |
صحيح اليوم عيد ميلادي
بس احس البيت فاضي بدون افنان امس راحت تحضر حفل عرض مسرحية مع خالاتها يريدونها تقدم ورد لمحافظ الشرقيه ''''''' قلت لاختي انا عارفه افنان ما راح تعطيعه الورد بتقول له هذا حال ماماه يالله احراج عاد لو سوت كذا قدام الناس '''''' مع السلامه مدونتي بشوفك وقت ثاني بروح اجيب فنونه اشتقتلها |
مسائك عطر الورد
بخبرك ويش صار امس فالحفل خبرتني أختي ان افنان نامت قبل لا يبدى الحفل مسكينه تعبت تتنتظر وغلبها النوم ماعليه خيرها فخيرها '''''' |
سلامتك حبيبتي
صباح الخير مدونتي
اليوم صاحيين من الفجر مسكينه بعد عمري افنان مريضه وحرارتها مرتفعه اعذريني مدونتي برجع مره ثانيه بوديها المستشفى وان شاء الله هالمره عاد نحصل دكتور حقيقي وليس مزيف '''' |
صباح الورد
يوم مميز مع البعض عيد الام ان شاء الله ربي يحفظ امهات المسلمين والله يرحم كل أم مو موجوده مع عيالها فهاليوم |
مرحبا
مرت خمس ايام وفنونه بعدها مريضه وحرارتها مرتفعه ياربي اشفيها وعافيها |
الساعة الآن 03:46 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir