بسم الله الرحمن الرحيم

الحمدللة هالايـام الحليلة راضيه عني

نص به رشه حزن شوي ~ الله يبعد عنا الاحزان

إليكم

(مقلة الصمت )..

وش بك لمست الجرح لـ الحين ما نمت!!

بعـّدة على خبرك كفوفـي تغفّيــه..



يغفى ويصحى متعبنّي ولا لمـــت ..

وأن فـاق اضمه في عيوني وادفيّه..





صحّيت له نزفه وأنــا طوع أقسمت

لا هـو يبكيــني ولا أنـــا ابكيـــّـه ..




تثمر خدوده كلمـا جـيت سلّمت..

وأعطيه من صبري إذا حان تجفيه..


بعثرت حزنه وأن ذرف دمع لملمت

أشبك يدينه في كفوفي واحاكيه



يا جرح كنّك في وجوده تلــعثمت!!

تقسى ولكن في خفى الروح شاريه


تعتب لمحتك في دفى الصمت تمتمت

له سقت نزفك والمدامع مشاريه




ما كأنـك اللي في غيابــه تألــمت ..

تعطيه من حبـك ولا تقول يكفيـــــه ..


هدّك غيابـه وأنت سنتين ما قـــمت!!

تقرأ ملامح لوعتــــه ولا تعنّيــــــه ..


يفطر غرامـك وأنت سنتيــن له صمت

وأن جيت ضامي شح بوصال يدّيــه ..


ولا شحّ مزنـه عن خفوقك تيممـــت

صليت فرضـك تدعي الرب يحميـــــه ..


علمتني ،علــمتني ،ما تعــــلّمت ..

لا طاح من عين الوفاء قلب تغليه !!



تدمن غيابـه وأن يعنّيــك به همـت

يعني تمّوت لهفتــك دونما ليـــه ..!!


وأن جى يسلمـ من حنينـك تبسمت..

تخنق غيومك تعتصرها وترويـــه ..


أخرست فمـ الصمت لا ما تكلمت ..

مـا دامـ حزنك متعبني وأخبيه..


وما دام ودك دام ودك وعزمّت

تشلع حنيني من فؤادي وترضيه



شفني أصب الشوق في مقلة الصمت

وتصحى شفاه البوح من دون لبيه



هديتني يـا جرح وش فيــك ما نـمت ؟؟

أغفـى وبغفـى ،لا تحـاتي بغفيـّـــــه ..

أختكم


شيخه العريمي

أخي سالم ..

مرحبا بك ،، تعودت أرى ردك من أول الردود..

ليس بغريب عليك ..

أخي أشكرك على التواجد والتعليق ..

اخي سالم الريسي ..

10 مرات؟ ..

أشكرك كل الشكر على قرائتك النص ، نعم أوافقك به القليل من التتويه ..

تسلم على التشجيع بارك الله فيك ..