ريق الفخر يحتاج كفو (ن) يبلّه
كنتم وما زلتم إخوتي بالله , وشرف لي ما تجودون به لإثراء النص وأتركه لكم... الفزعه / اللي دونها تطنخ الروس #عزّ_الله انها تجلي الضيق / كلّه و لا الّذي / من دونها جهّز الموس ايزيد ... فـوق الضيق مليون / علّه وما دام تنشد وش له الضيق وتحوس #يــا_صاحبي بعطيك دقّـه و جلّه حظّ الشّقي متعوس وان طاب متعوس ومـلازم (ن) لـه فـي رحيله و حلّه من دنيتي ماخذ رغم أنفي آ دروس و ابخن جميع الناس مـن كــل ملّه لين اعتزلت الكل و امسيت مغلوس مالي ومـال بروق نـاس (ن) مملّه امعاكـس التيار و ان قيل معكوس يـا عنك خــل القول و القيل خـلّـه عـن عالم التشفير و مقارع الكوس اخترت لي عالم و لا احـد(ن) يدلّه بين انطواء الذات وطقوسي طقوس راضي بــه ويغني عــن الزود قلّه والله ورب البيت مـا ضيقي فلوس رغــم الفقر قانـع و مشكاي #لله عـايــش واعد ايـام والحال ميؤس مــن خابـت الهقوات باللي / نجلّه فكري شتات وغادي ن حيل ملحوس والهمّ سيف (ن) جاير الوقـت سلّه ايردّني عن بـعـض الابيات ناموس مـن خوف لا تكتب مــع الوقت زلّه أضرب مثال وأدرج البيت في قوس ولا بلاش القوس مـا هـو / محلّه الحر موته أبرك ان صار / محبوس وشلون لا مــن شاف بالعين ذلّه ؟ هــذا أنا يا مسندي هبس وهبوس ويــا كثرهم مثلي رثــع فـيـه غلّه مــن قسّوة الأيام والليل كـابـوس يطرد و رانــا واعــذب الـنـوم تلّه واقــع ولاجله لجلج وثـار هاجوس والهاجــس اليا ثــار مالــه أخلّــه ماهو تبلي شاعر (ن) بات ممسوس ريــق الفخر يحتاج كفــو (ن) يبلّه الأجنبي مـن خير الاقـراب متروس ويطيب فـالـه كــل الاوقــات فلّه ولا العقارب صفوة اقراب وانجوس فيها و منها مـصــدر الســمّ والله واستغفر الله لكن الـبـوق ملموس واضــح و لا يحتـاج شــرح و أدلّــه من شاخت الهربش غدى الحق مطموس و اذنـاب شيخان الـعـبـي مسفهلّه وبكل ديــره ثلّة تــيـوس وتيوس مــا #تعبد الا يحفظ #الله ظلّه أفلاذها ترئس وغادي لها ضروس وافــلاذ باقــي الناس تحتاج طلّه دسمة شواربهم زفر زايـد البوس للزيف والتدليس خــيــط ومسلّه انا اشهد ان هروجهم قرقعة طوس والشيخ ما هو شيخ ! شيخ ن لثلّه وانا ورب البيت لــولا بعض روس لـ افتي واجيب العيد قبل الأهلّـه الشاعر احمد_عبدالله_الرطبي_الخالدي |
صح حرفك الجميل
ودمت بخير |
شاعرنا القدير أحمد الخالدي
صح لسانك مدد يالكفو أسعدتنا بهذا الحضور الفخم ولاغرابة تأتي بالسمين الجزل تحية طيبة وتقدير تثبت تقديرا ً لشاعرها تميزا ً وتكريم |
مشكور على هذا العد الجميل الذي لامس الأفهام، وسما بالقلب والوجدان، حكمة وتعريضا، أخي الشاعر النبيل: أحمد الخالدي.
|
اقتباس:
هلا وغلا وباقة غلا وكل التقدير والإحترام ^^ |
اقتباس:
أخوي وشاعري أنور السيفي .,., شكراُ لك من القلب ., والله أنك أسعدتني على هذا التشريف الغير مستغرب من أهل الإنصاف والأدب ., كل التقدير والإحترام وشهاده من شرواك هي مغنم ومكسب لي ., ولا ينلحق مدى طيبكم معي جزيل التحايا أيها الوافي ., ومساك الله بالورد والنور والسرور أخوك : احمد الخالدي |
اقتباس:
مساكي الله بالنور والسرور وجزيل التحايا لك ., أخوك احمد الخالدي |
الساعة الآن 10:26 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir