|
أخر حديث الشعر
يــا مصوبٍ رمحٍ على البعد توميه لك حشمـةٍ ما خنتها لو الزمن طال مجنبك غـــدر الــــوقت والمشاريه ومجانبك ضلعٍ عـــن الضيم والزال مستبعد التلويــــح لـــي كنت تبديه ( أنا الملول ) وكني ( أهلك هلال ) ما أقول أنا المعصوم م الزل والتيه لكن صــوامع حشمتي تنطح جبــال لنـــــي حشمت القلب عما يــدنيــه مجنبــه النـــزوات لا يقال رحــــال بس الليالـــي عكرتــــــله مصافيـه بظلمها تــرسم مـــــن الشك مدهال ثلاث نوبــــات على القلب تكويــــه يا كيف لــو جاتك مـن القرب تنهال ( عــز الله انك مـــن يسلي مخاويه في مجلس زين الحكي فيـه ينقال ) واللــي زرع بـــــذارة البيـن بيديـه يسقي زرعها زايف القيــل والقــال يــا الله عساهــا يومـه اللـي تسليه وأنــا مــع الذكـرى وصدرتها زلال وافــي علــى نهج الوفــيّ بمباديــه ما داست عيوني على الشاردة جال يكفــي ( فمان الله ) للعــذر تنويــه فوداعتـــه لــــــي منزلٍ حق الأنفال وان كنت تــالي نــاصر العهد وافيه ( لدمع ميــا ) حوبة إن جرى وسال السر يبقى ســـر مــا بـــان خافيـــه والمعــذرة شيمة هـــل العقل والفال لك منــزلٍ مــا فيـــه غيـــــرك يمليه مغضي عليــــه الجفن والقلب منزال لجل عيونــــك وافــي الشعر أعنيـــه وأجمل قصيــدة قلتـها فيــــــــك تنقال وأخر حديث الشعر لـــي جاك طاريه مع صــورةٍ بـروزتها النـــايــد العـال تحياتي ناااصر ( اخو ميا ) |
صح لسانك يالهاشمي
ابدعت حقيقه قصيدة جميلة لك الود ياناصر |
أخي ناصر الهاشمي أنى التفت وأنى سرحت بناظري فشاعرية والله تستحق لأن تنسب (لأخو ميا) لا حرمنا هذا الإبداع وشاعرية يشار إليها بالبنان |
اخي العزيز ناصر الهاشمي ابيات جميله ونص شاعري رائع يسلم قلمك الجميل على هذه القصيده الطيبه وننتظر جديدك بكل شوق تقبل تحياتي |
ناصر مشاعرك هنا ممتلئة بالحب وبالشعر وبالالق..
صحيت وصح ألسانك وحفظ الله لك اختك ميا.. يا ناصر.. كن بخير. |
أخي العزيز ناصر بن سالم الهاشمي ((أخو ميا)) السلام عليكم ورحمة الله وبركاته صح السانك ولاهان منطوقك نص شامخ بشموخ راعيه شاعر جزل المعنى ... راقئ الحس لك كل التقدير والأحترام إيها الأصيل |
وأخر حديث الشعر لـــي جاك طاريه
مع صــورةٍ بـروزتها النـــايــد العـال ابو حماد... واااااااااااافي كفو عليك.. قصيده متماسكه.. وموضوع شيق.. ابدعت في تركيبها صديقي؟؟ أطلاله جميله .. ننتظر منك الكثير |
رائع
هذا البوح الذي همست لنا به إبداع و تميز تحياتي لك |
اقتباس:
صح بدنك اخي جمعه الابداع في عنائك الى المتصفح والكرم ما ختمت به ردك دام الود والورد بحياتي 00 ناااصر |
اقتباس:
اخي العزيز خليل انت كالسحاب تعلوا باسلوبك فالرد ومحظوظ من يستظلك بحرفك او يطش عليه رذاذ ذائقتك العذب يكفيني بنان عفيفي اتعلم منه كلما مرت غيومه محملة بازكى واعطر المفردات لا حرمك الله غالي 000 سلامي وتحياتي لشخصك الكريم 00 نااااصر |
| الساعة الآن 08:49 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir