|
انا فرشت لك خمسات م وشاحي رداه
السلام عليكم ورحمة الله وبركاته اخواني الاعزاء اليكم هذه المحاوره الظريفه في فن الرزحه بيني وبين الشعراء القديرين سليمان الرواحي وسليمان ولد خمسات وذلك عن طريق المراسلات في الهاتف وبحكم انني كنت في مهمة عمل لم اشارك معهم كثيرا بحكم مشاغل العمل قال سليمان الرواحي يا ولد خمسات المثل نسدي سداه ************ ونرمّس الخاطر قبل يوم الخميس يقولوا العياره ما تبا علوم الحياه *********** وانته غلبت الجاير واغويته بليس قال عبدالله الراسبي انا فرشت لك خمسات م وشاحي رداه *********** وغنايته ياللي يسايره الرمّيس ساعة سمعت الصايح وشّلني نداه ********* اذكر زمانك في بطحاء الغليله تهيس قال سليمان ولد خمسات ياهل المثل طاحوا بي نمرود وخواه *** لا انتوا ف غفله وغتره م تحيدوا الدسيس وانت يا حنظل هيش حدّك ف القراه *********** ولا انزعك لزيمك زوبعه القدّيس قال سليمان الرواحي قالوا تاذن قلنا في الاذان وصاه **************** يبغى المعلم واحد عالم ودرّيس ويالراسبي هذا الولد جاير تراه ************ لا تامن بّه ساعة لي يستوي بلعيس قال سليمان ولد خمسات يا نوعرف هامانك مبتليه دناه *********** لا على قياسه ولا طاعه الزمان يقيس روحي عنها المناكر قابض فالصلاه ******** وفي حزّة المصايب يشفع لي حليس قال عبدالله الراسبي ما ريت مثله بر ولا حدّن شراه ********** ياتني علومه ساكن عند فندق جريس سبحان ربي هالولد ما من جداه *********** زايم عليه المشتل ومستوي حرّيس قال سليمان الرواحي يهضم الهضيمه وابدا ما توقف رحاه ********* لجوار بالله منه مستوي ضرّيس ما يستمع للناهي ولا يحوي حواه *********** صاحب لياشه هذا الماكر البّهيس قال سليمان ولد خمسات بونه بليس العاصي من يفعل شناه ************ يحلف يمين الله ما مس الدنيس انته شراته لكنك شقي تعداه **************** لي تفعله في محمد تبليبه خميس قال سليمان الرواحي محشوم عبدالله عن افعال الغواه ***************** لكنك انته لي تغثبر بالهريس معنى الدلايل من جدا قاضي وولاه *********** ومحوت تشهد بالفعايل يا حويس قال سليمان ولد خمسات انته ونديبك كلكم في درب السّواه ************ يوم الغداء عرسيه تتغدّوا مريس لانا فوادي يشكي من كثرة ضماه ********* مسكين حالي ساكن عنكم في مجيس قال سليمان الرواحي روحي ما اصدق قولك لو زدت ابّكاه ******** معروف عنك سربتي وقت الحسيس ويا لابتي هذا العدو ما حد براه ************ وراعي البخاسه امبونه كذاك بخيس قال سليمان ولد خمسات بنهم على الولاي وبانادي القضاه *********** طاغي عليه الليله المارد الخنّييس في العامرات بعدها شاعله دعواه *********** ويدوروه بمْدافع والضّعون اتحيس قال عبدالله الراسبي الليله الغريم بداعي قابل مدّعاه *********** وقاضي الحكم مدعاي للحكم وجليس لوّن تلف الدنيا والوقت بقصاه ************* بونك يا ود خمسات متغلّس غليس قال سليمان الرواحي حقي خذيته وكل شيّن على مجراه ********* مره بوهاده ومره نحمي بالوطيس الليله فواده الليله بايكشف غطاه ************ وتبيّن الخله على بحر السويس قال سليمان ولد خمسات بونه الصعل يتنومس لين حقّه عصاه ******* وعلى جواني حقّه يكنز له سديس ويش الذي خلاك تهذي بالغناه ************ ياللي اشتكوها ليلي العامريه وقيس قال عبدالله الراسبي تبارك الله الليله بتزوف الفلاه ************** طيبه ونعايم عنها نيران الشّميس المبتلي هوّام ويشكي من عضاه ******** وفوق السجن مزيود في قيده وحبيس قال سليمان الرواحي في العاصمه سمعنا مودي مشتكاه ************* كنه مسيكينن ولا لاقي مريس اها الحذر ذاك الظبي ماحد وطاه ************* وانته تبا تشرب زلال م الكديس وتقبلوا تحياتي |
احسنتوا وماعليكم زود تسلم عبدالله الراسبي ع المحاوره وماقصروا الاخوه ولد خمسات وسليمان الرواحي |
الله الله مشكور أخي عبدالله الراسبي على نقلك لهذه المحاورة الجميلة التي دارت بينكم عن طريق الهاتف محاورة جميلة رائعة بين شعراء رائعين لك مني كل الود وأطيب التحايا أخي الكريم |
الاخت الفاضله كامله البلوشي الجمال والروعه في حضورك المميز تسلمي على مرورك العذب ودمتي بكل خير وموده وتقبلي تحياتي |
اقتباس:
في مرورك العذب والجميل فكم اسعدني حضورك من هنا ودمت بكل خير وموده اخي الغالي وتقبل تحياتي |
أخي الغالي عبدالله الراسبي شكراً لك على نقل هذه المحاورة الرائعة و صح لسانكم مبدعين و ما عليكم زود |
للإبداع دائما عنوان وأنت عنوانه أخي الغالي عبد الله الراسبي في كل فن شعري أسجل لك التقدير وفي كل قصيدة يصفق لك القلب ابتهاجا وفرحا |
دائما ماتتحفنا بالجديد الفريد من نوعه
محاورة أخوية شفافه تنم عن عمق الصداقة والتفاهم الكبير بينكم دمتم بخير ومحبة ،،،،، |
اقتباس:
في حضورك المميز دائما تسلم على هذا المرور العذب والجميل ودمت بكل خير وموده اخي الغالي وتقبل تحياتي |
اقتباس:
فكم اسعدني مرورك الطيب من هنا دمت بكل خير وموده اخي العزيز وما عليك زود وتقبل تحياتي |
| الساعة الآن 01:30 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir