مليار خاطر
 

مليار خاطر مسويلك وهذا أنت
كل ماطلبتك تجيني قلت مافيني
بصدودك إللي بلا آخر تراي آمنت
هذا جزايا بصداتك تكافيني
غرّقتني في دباديبك إلين ادمنت
والحين من بلوّتي منهو يشافيني؟
ياليتني قبل معلنها عليك أيقنت
بأن حظي معك ناوي يجافيني
المشكله يوم انا لمشاعري أذعنت
على عمايا أجيك الله يعافيني
الحظ طايح معك وأنا عليه راهنت
وأكبر مصيبه ترى ماكان خافيني
بصافي النوايا أدوّر راحتك لاهنت
عل وعسى خافقك مرّه يصافيني
أنا أحبك ولك من خاطري دوّنت
أحلا القصايد على رجوى تحس فيني

تسلم المعتمد
منطوقك درر

ياهلا ومرحب شرفتنا

دمت بخير

رد
 

كامله البلوشي/// السولعيه /// شكرااا كثيرااا شكرااا جدااً على الترحيب ياذوق.
عذرا إذا تأخرت في الرد لأني قليل المرور

=====================================
أهلا وسهلاً بضيفنا الجديد
نص واضح وسهل الفهم والاستيعاب ولا يحمل شي من الغموض يا صديقي رغم كون الفكرة مستهلة من قبل من سبقوك
فقط عندي ملاحظات يجب الإنتباه لها مستقبلاً بخصوص الوزن
هنا في هذا الشطر : المشكله إنني لمشاعري أذعنت
وهنا : وأكبر مصيبه الأمر ماكان خافيني
حظي معك طايح مجافيني : كلمة مجافيني لا اعتقد بأن وجودها مناسب في هذا الشطر
لكونها وصف للحظ وسبق وصفك للحظ بانه طايح ،،
تسلم على النص ولكن يحتاج منك جهد وتعب اكبر لتقديم الأفضل ،، وانا على يقين بأنك قادر على ذلك

تحياتي
سعيد الفطيسي[/color][/size][/center]

النص رائع واضح ومفهوم
وصلنا احساسك الراقي
اتمنى لك التوفيق
لكم تحياتي

الأبيات جميله تحتاج

تركيز فقط أثناء الكتابه

بدايه موفقه ودمت على

خير تقبل مروري

((أبوسامي))

رد
 

شكراااا ابوسامي على الملاحظه والمرور