|
للخلف در.. (الجزء الثانى)
للخلف در.. غمض عنيك ما تقولش بكرة هيبقى ايه..؟؟ إفرد قفاك... علشان هتاخد كام قلم ... هيفوقوك علشان هتاخد كام خازوق.. هيصحصحوك يمكن يعود فكرك .. تفوق... ويحنطوك.... ***** للخلف در... الحس لسانك ... وابلعه.. ليكون حرام أصل العساكر سمها ... تسمع كلام هو العبيد من حقها ... تنطق سكوت..؟؟ والعبد لو يكرم يثور... أو عاش يموت.. اربط إيديك .. واقفل ودانك .. سدها أصل العساكر قلبها ... يغضب عليك... عيزاك صنم عيزاك قوالب تتبنى وتكون .. هرم تطلع عليك ... توصل لآخر مجدها لو كان عليك ***** للخلف در.. إنسى القانون أنسى المروءة والشهامة والاصول وامشى ف حياتك بالساطور أو عيش كأنك ..أى تور تاخد حقوقك وباديك اذا كان قاضيك ... مفروض عليك..!! اذا كان حاميك ... سارق عنيك اذا كان عساكرك كلها ... رابطين إديك ***** للخلف در وارجع هتلقى هناك ملوك... مستاسدين .. قاعدين على قلب الغلابة فى أرضهم... مستأمرين.. وتلاقى أمرا وناس كتير... متعصبين بيحاربوا مين..؟؟ دين ربنا.. مستسلمين خدام مصالحهم .. هواهم .. كرشهم خدام عدو شعبهم ***** إرجع يا شعب وطيع أوامر جلاديك ستين سنة للخلف در.. متعصبين .. إرجع وبوس إيد ال كاتب عزته ف رموش عنيك اركع لراسم بهجتة بدموع عنيك ***** جمال نصير فى 18/7/2013 |
شاعرنا المبدع جمال نصير صح لسانك ولا هان منطوقك أبيات جميله ورائعه في إنتظار جديدك العطر لك مني أرق التحايا وأعذبها ودي لك |
اقتباس:
|
هلا فيك أستاذي ومازلت تصول وتجول بثورتك الشعرية ميادين الحروف وساحات القوافي وتلهبا حماسا أعانك الله على اعدائك وسلطك على من ظلمك وأعاد لك حقك وحريتك وحرية مصر والامة وفقك الله ..... |
أستاذي جمال ..مرحباً بسفير العروبة..^^ لا أعرف ما أقول وحرفي ألجمه الحزن .. والدمع حارقٌ حارق .. هنالك أحجية ما لا بد من فكها أحجية تدور تُهلكُ بلدان العرب واحدة تلو الأخرى .. وكأنما هي لعنة حلت بنا .. ومصر .. أواااه من مصر .. وما حدث بها .. لكن أتعلم أمرا هي تلك الأنامي الأمريكية ذات الأظافر المطلية بألوان ٍ اسرائيلية بحتة هي من تلعب لعبتها .. " وبتحسبها صح " أصل هم عايزين يشيلو هيبة العرب ويدمروهم وعايزين يقسموهم عشان يشتتوهم .. هم مش عايزين السلام وحقوق الانسان وتطبيق مبادئ العدل وغيره زي ما بيئول أوباما باشة وغيره من الفلاسفة .. والعرب زي المضوربين ع دماغهم بصدئو كل حاجة بدون تفكير .. صدقني أخي جمال .. إن لم يقف العرب وقفة جسد واحد .. إن لم نجعل الدين الاسلامي شعارنا فستفلح أمريكا و يالخيبتنا حينها .. أسأل الله في أيامه المباركة في شهر رمضان المبارك أن يجعل كيد الأعداؤ في نحورهم وأن يمزقهم كل ممزق وأن يلعنهم لعنا كبيرا يالله .. وأيجمع شمل العروبة والاسلام وأن يعز الاسلام والمسلمين ياااااا رب آمين ..# كنت هنا |
الأستاذ جمال نصير قرأتك هنا فوجدت الابداع الذي تتوشّحه حروفك الراقية المشبعة بالغيرة على الوطن كما تعودنا منك لا تأتِ إلّا بالجديد الجميل وفّقك الله |
اقتباس:
|
اقتباس:
|
اقتباس:
|
| الساعة الآن 12:10 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir