انتهيـت انته وانـــــا توي بديت
وانطوت لحظة فراقك ما ارتوت

عقب معرفتك نويت اللي نويت
من حشا جوفك بشّعل ما احتوت

لجل تذكرني وتذكر ما استويت
وتهجر افعالك وصفحات انطوت

صغت ديواني بجمرك واكتسيت
بطعم غدرك والليالي اللي روت

من دموعي لك بساتين خذيت
وجملتهـــا بسمة جروحٍ غوت

بك شربت المر واحساسي نسيت
حتى داري من اجل عينك خوت

مابقى فيني صبر لين اكتفيت
بعلن حروبي عسى روحي نوت

كان تلعبها على مثلي بغيت
حط مجدافك بنار قد هوت

اكسر شراعك بيدك لو قويت
وغير لثامك بضبعٍ ما عوت

خنجرك لازال فيني ما شفيت
نبض خّفاجي وصيحاتي اندوت

ما انخفت منك الفعال ولو غفيت
عيني اللي بنارها منك اشتوت

شالها غيرك وانا عنك قفيت
وافهم القصه بمعناها إلتوت

يا عساك تمر في دربي وجيت
تختم بموتك حياتك مـــا حوت

**وانتهت**