|
برمس للشعر بانشوده
محاورة بين الشاعرين سالم بن سعيد المحيجري وسالم بن راشد السلطي في قروب (شعراء الحاضر) نايحة (مثل) بتاريخ 9 /12/2014 سالم سعيد: برمس للشعر بانشوده وسمعوا رنة التغروده سالم بيقلب لحونه وزيدوله الطرب تلحين وبنتبعه الطرب ببنوده وبن راشد وايب نعوده كل طرب يله شجونه له عوايد من سنين سالم بن راشد: وادي داعب من عدوده بايروي سيح ونجوده يسقيه الشجر فدعونه ما يباله دقيقتين لصاحب يدي ممدوده وحروف المثل مفروده فدربكم يالي تبونه ربي العالمين يعين سالم سعيد: للشعر دايم عموده دايم للعسكر حشوده وعجبه هالطرب بفنونه وبكتب للأخو شطرين ولي تتفلت جيوده قاضي بيحضر شهوده ولي مشتكى بديونه كيف ببنكه يستهين سالم راشد: زاهي وثابتن جاموده لو العاصفه مرعوده جن العاصفه مسجونه بعما ولم ترى والتين من دهر أهله وجدوده لعاني نسأله منشوده لو تطلب بصيري جفونه وفيتك ما علي يمين سالم سعيد: بخور ومزهى بعوده وقريحه طرب ممدوده نظرته تسبق عيونه والذهب غالي وثمين وآيات الفتح محيوده فالأجر ترى محموده بالمدافع حاميينه ونقراله صحف ياسين سالم راشد: شاكي مع ولاد حموده وزود ع العرب منقوده عيالنا ما يعايلونه وكلنا متعجبين نارن فالعرب موقوده دعتها الخلق منكوده لي نزغ عنا سعونه كنا علية مسامحين سالم سعيد: كل وطن يله حدوده صحبه بالفرح مسعوده أهل يثرب والمدينة فالزيارة طيبين سالم متفيده نقوده دنيا زايله مفقوده والقروب معاهدينه وداعكم يا الحاضرين تمت |
أسعد الله أوقاتك أخي الأستاذ الشاعر / سالم سعيد المحيجري محاورتكم غاية في الجمال أخي سالم, حوت من كل فن عنصر وأعجبني قول الشاعر: ولي تتفلت جيوده :::: قاضي بيحضر شهوده ولي مشتكى بديونه ::::: كيف ببنكه يستهين ففي الواقع أصبحت مسألة الإقتراض من البنوك الربوية أمرا عاديا, يفعله المضطر وغير المضطر شكر الله سعيكم وتقبل تحياتـي |
أخي الغالي سالم سعيد المحيجري السلام عليكم ورحمة الله وبركاته صح السانك والسان الشاعر سالم بن راشد السلطي كان للشعر هنا إضاءات تميزت بجمال الكلمة ورقئ المعنى. محاورة مشرقة وإبداع متجدد ...لاهنت أنتظر تواصلك ونصوصك المثريّه تحياتي وجل تقديري |
اقتباس:
ملاحظتي : هناك تكرار في القافية ( ممدوده ) هناك اختلاف في النغمة الموسيقية في قافية ( ـــونه / ـــينه ) فكان من المفترض الإلتزام بما بدأت به في القافية لأن القافية هنا ثلاثية الحروف وليست ثنائية . تقبل تحياتي وخالص تقديري ،،، |
أخي ناجي جوهر شكرا لك على تواجدك الجميل بين هذه الكلمات البسيطة متمنين لك دوام التوفيق بارك الله فيك اقتباس:
|
الأستاذ سالم الوشاحي وعليكم السلام ورحمة الله وبركاته اخي الكريم صح الله بدنك وشكرا لك على تواجدك وإثرائك لمتصفحي دمت بألف خير اقتباس:
|
اخي العزيز والشاعر القدير سالم سعيد المحيجري محاوره طيبه ورائعه بينك وبين الشاعر القدير سالم راشد الصلتي وارجوا الانتباه لملاحظات الاخ ابو مسلم الصلتي ودمت بكل خير وموده اخي الكريم |
الشاعر القدير سالم سعيد المحيجري نص مميز لشاعرين نعتز بوجودهما بيننا ويكفي أن نتشرف بالاطلاع وروعة التعبير والشاعرية مع الأستاذ مبارك أبو مسلم الصلتي فهو مرجعيتنا صح لسانك ولسان شاعرنا سالم بن راشد السلطي |
أخي خليل عفيفي شكرا لتواجدك هنا بين متصفحي هنا وتعليقك المثري ودمت بألف خير ومودة اقتباس:
|
سبحان الله !!!!!!!
أين الرد على مشاركتي ، ومشاركة الأخ عبدالله الراسبي ؟؟ مع أنك رديت على آخر مشاركة للأخ خليل عفيفي !! |
| الساعة الآن 10:51 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir