مامبخوت000
السلام عليكم ورحمة الله وبركاته
بصراحه ما اريد اي نقد في ميداني اريد ايش الحلوى والجميل والترتيب والتناسق في الميدان ما اريد اقلل من مستوى ميداني انا يهمني النقد لانه مفيده بس يهمني بعد ايش الشي المميز بالميدان في الفرد والجناس والكلمات العمانيه من منطقه الى منطقه كيف النطق يختلف من منطقه الى منطقه وايش معاني الكلمات اسمحولي بس اريد من اصحاب الميدان يطلعوا الجماليات والاسلوب المميز فيه ياليت في كل ميدان نشوف الجماليات في الجناس وفي الترتيب حتى نرتقي ونكتب كل ماهو جميل لانه كل وحد صار ينقد واختلط الحابل بالنابل اختلطت علينا الاراء فالمعنى فساد الشيء بالشيء والمقصود التمازج والاختلاط وتاكيد أن الاختلاط في كل الأحوال مفسدة وابتلاء عظيم .. في امور تختلف من منطقه الى منطقه في النطق وفي المعنى النقد زين ولكن ما في كل شي انا اعرف هنا اصحاب ميدان ودارسين الميدان ويهمني رايهم ونقدهم لكن احب نستفيد منهم في الجماليات والاضافه الطيبه والمفيده في هذا الفن تشجيع للمواهب امثالي والسموحه منكم لااحد يزعل مني تقول كامله راجع من الهند مب غانا وينهم ع مبروك ما مبخوت يترس لبن بوش ملتنا علامه العرب ذيك ملتنا اشوف المحب صاه مبغانا وفيه الهوى القلب ما مبخوت مب غانا: نحنا بمطرح نقول ما مانقول مب لكن انا استخدمة هالكلامه للتناسق راجع من الهند ما غانا اشوف المحب صاه مبغانا ينهم: ينادي ونستعمله بعد في مطرح وفي ناس تقول يزجر يترس:ممتلى ملتنا: اكثر شي نحط فيه الشي السايل او اللبن او المرقه علامه:نحنا بمطرح نقول ماله او ايش فيه او حموه حموه العرب ذيك ملتنا يمكن البعض ما يعرفه صاه: نستعمله ويد بمطرح صاه ما اريد صاه بروح صاه ما اعرف مبغانا: ما يريدني مايرغب مبخوت: من البخت والحظ |
جميل ما كتبتي اختي كاملة
ولكن لماذا لاتريدين نقد؟؟ فلكل يستفيد من النقد لكلي ولغيرك... اشكرا....,,, تقبلي مروري::: الســالمي" " " |
[quote=كاملة البلوشي;22523]السلام عليكم ورحمة الله وبركاته
راجع من الهند مب غانا وينهم ع مبروك ما مبخوت يترس لبن بوش ملتنا علامه العرب ذيك ملتنا اشوف المحب صاه مبغانا وفيه الهوى القلب ما مبخوت وعليكم السلام ورحمة الله وبركاته خلاص نتكلّم فالجماليات ليش لا اولا : عندك المعنى حلو ومتناسق والفكره واضحه ثانيا : عندك جناس جميل في المغنى والمعنى ما بغانا (اسم بلاد )- ما بغانا (لايريدنا) مبخوت (اسم ) ومبخوت (الحظ) ملتنا (اناء) ملتنا (من الملل ) ثالثا : (نصيحه) اتمنالك التوفيق بس اطلب منك في المرات القادمه تكون القصيده مغلفه بنوع من عدم المباشره وخاصه في امر الفراق والعتاب كونك أنثى ذكرتيني قصيدة اخوي الذيب الي يقول فيها ذي خيمة العرس لي منصوبه وشي مالشجر يشري راحاتي الحصن إلّي موصوف يبريني وبطلب من الخل يبريني بترك أنا الود لي منصوبه ببيع التعب بشري راحاتي وشكرا |
اقتباس:
انا ما ازعل ولا اخاف من النقد بس اريد نشوف جمال الكلمات العمانيه ومعانيه الجميل في اكثر من منطقه وايش الجميل بالميدان |
تشوووووف انته هيش قالت
وفيه الهوى القلب مامبخوت قولك حلو الإخت كاملة وأحلى مالحلوى بس أأيد رأي أخوي سعيد أن القصيده تكون مغلفة شوي ودمتي بخير |
السلام عليكم أختي كاملة قصيدة رائعة وصح لسانك ... وحلو الواحد يفرد قصيدته لأنه في ناس ماتفهم بعض الأحيان لهجات المناطق الأخرى .. أحترامي لك |
[quote=سعيد المعمري;22572]
اقتباس:
وبغلف ميداني وبعدين لاتقولو ليش ميدانك يا كامله غامض ومسبوك تحذرو مني |
بالعكس أختي كاملة لما يكون الميدان مغلف ومسبوك يكون لذته أحلى حتى القارئ يتوه فالمعاني بس يفردهن شوي بدون توضيح المعاني حتى يتسنى للقارئ البحث بإشتياق في معانيهن
|
جماليه الميدان من وجهة نظري في فرد الكلمات وترابطاها مع بعض ومقصرو اخواني سعيد المعمري ونسل الهواجر بالملاحظات |
اقتباس:
|
الساعة الآن 11:49 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir