مساجله بين الشاعر أبوحسين ( علي بن خلفان الجابري ) والشاعر سليمان الرواحي بولاية العامرات
علي/
سميت بالله خالقي فردآ صمد
لي خالق الدنيا ونعيمآ كاملي
وصلوا على محمد بخشوع وجهد
بعداد مامزن السحاب الهاطلي
سليمان/
سبحان بمن أرسى سماه بلاعمد
داحي البسيطه وثبتها بصواملي
راسل نبيه وبالرساله معتمد
خصه الإلهي عن زد القبايلي
علي/
أبدي بسلامي أحلى من شرب الشهد
من عين زمزم شربتن ماتنتلي
ساعة دعانا ناصر مالقينا بد
عصبة يميني ف صفوف الجحافلي
سليمان/
سالم ولافي ف الولايه والبلد
أحمد ومرشد مايردوا العايلي
جينا ونصينا على مسرات وسعد
في موترن يعدي المسافه والفلي
علي/
يامرحبا وحيالله بك رفيع الجد
من نسب عالي ومن أصل متسلسلي
حاله تحيه لي حايا بصبوع اليد
باسكنه مابين جفني ومقلي
سليمان/
يالكوس هبي وحركي غصن الورد
لكن بروفه عن وراقه يحت لي
يالله بخولن ماطر والمرعد رعد
يسقي المغربي وشجار القرنفلي
علي/
مالوم قلبه لبتلى مثله بود
صادق كلامه مايباله محللي
وين الذي صبر فواده وماقصد
ماضنتي حدن سلم لو جاهلي
سليمان/
ولد العجيلي كم تعنا واجتهد
وارمى بروحه في جحيمآ تشعلي
ربى ثلاث بكار والشاهد شهد
يلي سقاهن من دهانه وعسلي
علي/
لاحد سأل عني ولاحدن نشد
سنينآ طويله ولاحدن يسائلي
مشي محبه اليوم عل من تعتمد
الحمدلله يوم تبقآ الجمايلي
سليمان/
مرتاح قلبي الليله وانزاح النكد
بخلف مثالي يالمحيط الطاملي
أوصفت قومآ مالهم حسبه وعدد
أوحى لهم ربن عظيم المعتلي
علي/
هذا النحل يلي توصفه وتستند
حال البشر شافي ويفيد المعضلي
وش كلفك تصعد جبال بلاعمد
درب الخشن تركه تبعد وانزلي
سليمان/
أخلف لابتي ريحاني
وما احاتي على الليحان
تسعين عليهن خمسه
ياصحيبي نحفله
دمتوا عصبتي وخواني
يلكم في القلب شان
عسى نلتقي في رمسه
والليالي مقبله