مساجلة رزحه : محمد ودصديق وخالد قماط :
قال محمد : 1
صلوا على طه عدد نوح الحمام
وإعداد ماصاح العفاد بسدرته
ولكم تحيه معطره ولكم سلام
لبلاد والساحل و نوبه عيجته
قال خالد : 2
يامرحباوحيا تحيه واحترام
وتالي صلاتي علي النبي وعترته
سبحان ربي خالقي محي العظام
أحيا عظامن كنت أظنها ميته
قال محمد : 3
يالهاشمي عندي مطيه بلاخطام
وعندي دهيم ولاكن مسمع صهلته
وعندي مراعي مكتضه من الاغنام
م لجيت راعي يرعاها برعايته
قال خالد : 4
هات المطيه لي وبلبسهازمام
ولن سست لك خيلك بتسمع حنته
واما الغنم باسوسها لك بالتمام
الهاشمي راعي ويعرف صنعته
قال محمد : 5
مأجور يالراعي على حسن النظام
وعلى العنايه لصاحبك في محنته
لول وجواهر جبت لي عذب الكلام
مسمعت مثله في القرون الفايته
قال خالد : 6
باخط لك خطه وبنمشي بنتظام
وقع حسابك يالجنيبي وثبته
اني نحلني الود وخلاني حطام
واصبحت شروا اللي مضيع وجهته
قال محمد : 7
هذي سياسه من سياسة الحكام
والهاشمي خالد حكيمه سياسته
إبن الملوح قيس وعنتر الضرغام
الود افناهم وصاروا رباعته
قال خالد : 8
درب السياسه يابلي كثر الخصام
وخلاني امشي في دروب مشتته
ياصاحبي وش حيلة اللي ماينام
ومن ياه طاري الخل هلت دمعته
قال محمد : 9
لي مبتلي بالود دايم ما يلام
هذا نصيب القلب هذه حصته
والخاتمه صلوا على الهادي الامام
تعداد من طاف وسعي في حجته
قال خالد : 10
على النبي صلينا وأحسنا الختام
اللي حيا قلوب العباد بدعوته
والخاتمه بنوادع أصحاب المقام
والله يجمعنا بواسع جنته