[حمود بن وهقه]

يا حمد هذا اسمك؟ ،، ولا اسمك عــلي؟
اسمك اللي يكـوون / في ذمتي ما فرق !

المهم أنت ركّــــز .. واستـمع مـا يـلـي :
واحـــد الموت كانه ذبــح،ولا غــرق !

لا تلومون مـن يسرق ،، وجيــبه خــلي
لوموا اللي جيوبه "عامرات" وسـرق !

ولا تقولون عـنهـم : مـا وراهـــــم ولي
أنتو اللي حكيكم ( حبر على ورق ) ..!

يلحسون العـظــام / وتــاكــلون الطـــلي
تشربون الغدير ،، ويشـفطوون العرق !

يا أخـي بعقلك انته ؟ خـل هـلك وهــلي
فيه أوادم كـئيبة .. رزقهـا عـالطرق ..!

ما عمـرها تحـــسّ ~ إن بطـنها ممتـلي
صبحــها للهـجيــر ، وليــلها للأرق ..!

وفيه نسـوان واجد – ما تعــرف الحـلي
باعت أغلى ذهـبها لجــل خبز و مرق !

تطعم أيتام تغــلي .. مـن بكــاها غــــلي
عادك انته تصوّر / لو عشاها احترق ؟!

كم فقيرٍ طـرق بـاب وطلب ،، يا عــلي
وكم فقيرٍ تعفـف يا عــلي مــا طـرق ..!

يا علي : أنتــو اللي ( ما وراكـم ولي )
وأنتو اللي حكيكم : حبر على ورق ...!






..