[مبارك سعيد الغيلاني]

السلام عليكم ورحمة الله وبركاته وليدة الساعه عساها تنال الرضى,

ياعيد ليتك ترجع سنين ياعيد

ودي بشوفك مكتسي بالقلايـد



يوم البشر كانوا مثل شبكة الإيد

تربط أصابعهم سلوم وعوايـد



أطفالهم بين اللعب والتغاريـد

وكبّارهم يتقاسمـون الزوايـد



ياعيد ليتك ماتجيـب التناهيـد

جيب السعاده والفرح والفوايـد



لي مدةً ماذقت طعمك ولاحيـد

غير الحزن والمعمعه والنكايـد



من عامنا الأول وفوقه بعد زيد

عامً بعد عامً بنا الهـم سايـد



ياعيد لو تجمع قلوبً مشاريـد

مافرقتهم غير نـاس وبعايـد



بواعدك ياعيد ما تـرّوح بعيـد

عساك دوم الدوم ياعيد عايـد





"عيدكم مبارك وعساكم من عواده"