اسعد الله مسائكم ودمتوا بخير اليكم محاوره في فن امبم بيني وبين الشاعر العزيز سليمان البلوشي ود خمسات
عبدالله الراسبي
الله يالقلب السموح ***
كيف حالكم يا اهل الطرب *** ي اهل المعاني والصروح ***
انشد واناشد عنكم *** يا بلسم العوق وجروح ***
مشوف حالي ود خميس *** من سبة الريم الذبوح ***
كلف على فوادي التعب *** يتعب ويشجيني ويروح ***
متعلج سعيدي ف هواه *** صرت اتبعه وين ما يروح ***
اهيف ومدعوج العيان *** والكحل ف عيونه نزوح
*** والخاتمه في هالدنى *** بانوح ولو م يفيد نوح ***
سليمان البلوشي
بدرن سطى صبح الصبوح ***
عندي علومن واكده *** انك تهوم فالسيوح ***
خبرني عن حالك عوض *** ينك على فراشك طروح ***
ساعة صدفته السولعي *** براق من خده يلوح ***
هناك موت العاشقين *** والود ما يكذب مزوح ***
ياما نصحتك بو نصر *** وانته تليشت النصوح ***
والخاتمه يالعاشقين *** المشتجي دمعه فضوح ***
مجاراة الاخوة نقلا عن الشاعر عوض بن صالح بن سعيد السعدي نقلها الغالب:-
أنسان بفؤاد وروح
ياريم أرض الحصى أول فؤادك له شروح
تعزف بأنغام الصبا وتتنوى روحه باتسوح
متحمل صدود وجفاء ولاهو قيس ابن الملوح
وعبدالله يشكي عناه من صدكم كبده تفوح
مشتاق لنظرات العيون وبكم بيفرح فروح
والخاتمة تم القصد تبعه ولو تشجح شجوح