الشعر يسموا من سمو سامعينه
مادام يكتب في شيوخاً وحكام
الفكر طاوعني وخطة يمينه
شاعر يصوغ الشعر من قوة الهام
ازف شعري والقوافي الثمينه
مع باقة الورد الجميله للحشام
ناسن بهم كل الوصوف الرزينه
متوارثيين المجد عامن بعد عام
سلالتن طب النفوس الحزينه
دخيلهم ما يوم يقهر وينظام
ونعم في صفوة حصونن حصينه
قدام في كل المهمات قدام
درع القبيله والحيوط المتينه
اصل وعراقه ما يوفيه الاقلام
الوقت لبس من ذكرهم سنينه
صيتن على صدر الزمن باقي وسام
كلن ينافس ف المبادي قرينه
ربعي هل الخيل المسوم ولحسام
ما يختلف على فعلهم ثنينه
من مجد تحكيه الليالي والايام
مبهور اللي شافهم بأم عينه
ومن سمع عنهم هام ف الطاري اهيام
وســــــلام للي مرضين والدينه
كل ما أشوف أعيونه النعس ما نام
في قائمه كل الوجوه الحسينه
حاز الحلاوه عن جداره وإلمام
مشكور والله م القلب شاكرينه
مبادرات وعرض خدمات واسهام
هذا الكرم يعني سخاوة يدينه
اللي لها باعن طويلن بالاكرام
وختامها بالورد والياسمينه
ولكم تحياتي معا مسك لختام
-- (((((((((( سعد الجنيبي ))))))))