[عبدالله الراسبي]

المشاركة الأصلية كتبت بواسطة حسين المعمري

مساجلة شعرية بين الشاعر محمد بن راشد السيفي والشاعر حسين بن خليفة المعمري اتمنى ان تنال اعجابكم

حسين
سميت بالله لي خلق حور الجنان
ماشي شراهن فالدنا والأخره
يامن حظر صلو على نور الزمان
الهاشمي أحمد مدمر خيبره

محمد
وانا ذكرت الدايم واحد منان
يالي خلق ادم بحسنه وصوره
صلو على شفيعنا يوم الوزان
صبح وعصر لازم علينا نذكره

حسين
يامرحبا بشيفة مقاديم المكان
بن راشد السيفي رفيع السيره
ياولدي جينا على بر الامان
لنك مدرس في زمانك عنتره

محمد
واصل سلامك شروى منبع الوديان
واحلا من الكوس وهبوب الماطره
انت المعلم وانت ترجمان عمان
يشهدولك من هشم ومساكره

حسين
تملك رياضه ساسك علي البنيان
ومن طيبتك كل الاوادم شاكره
هات الكتايب جيبلي خبر الوزانن
هذي الحكاية ف الصحايف دايره

محمد
وانت ياصاحب في بلادك ترجمان
حزت الفهامه والادب والشاهره
عن كتابك ماواحد عطني بيان
بنشد هل الوافي واهل الاشخره

حسين
حشى بعدني عارف صاحبي ربان
ويالنوخذه احيدك امير الباخره
هذي الحكايه ستوت في عهد عثمان
يوم التجارة في بلدهم كاثره

محمد
عام الرماده يلي ستوت يافلان
ساعة تبرع كل العرب بأوامره
حظه وسعده يلي يعمل الاحسان
اشهد رباحه ماتجاره خاسره

حسين
صحت لسانك وعرفته خط البيان
تنشي حروف ن بالمعاني زاخره
والخاتمه ذكروا النبي احمد العدنان
يشفع لنا يوم الحشر فاللأخره

تمت الابيات

تشكر اخي حسين على هذه المساجله الطيبه والجميله