[عبير الرحبي]

السلام عليكم
مرتادي هذا الصرح اليكم ... ..

.قصيدتي بيوم مولدي الذي يصادف 21/يناير...

ناحته بخدي المواجع دمعة المقفي غلاه
_ارتمي بحضن الليالي والحزن مني طفش

اطفي الشمعات دونه ،والقدر حظي نفاه
حفلتي الليله حزينه ،غرفتي لهمّي عرش

انظر بعين المرايا ،ابحث لجوي صفاه
تنكسر فيني زوايا،تنحر حلومي عطش

وين اقفى عن وليفه،وين لي اقسم وفاه
يتّمت حتى الهدايا فرحة(ن) ودها تنش

ما يحطمها ضنوني غير لي فرحي فداه
انجبر قلبي يطفي كل شمعه بي تعش

ثوبي الزهري تحول اسود(ن) حالك مداه
كل هالعالم نسوني ، ومارفوا لحالي رمش

كيكة العشرين ناحت والمنى اعلن جفاه
لاتلوح ياقلب....ترعب خفوقي المرتعش

مهمله هذي الازقه ....والاماني ياسماه
تنتظر سيل المواصل.امتى هالبيدا ترش


حضروا الكافور أهلي والكفن فكوا حماه
عقب هالليله يا أهلي هالجسد يرقب نعش
.
سوّروا ذيك المقابر ..اعلن الوقت انتهاه
واتركوا لقبري ضريح ن من يشوفه يندهش

سوروها يالاقارب عن تبا الروح العصاه
ترجع اتدور جسمها تبغي لقبري نبش

ودعوني يا صحابي حانت الفرقا تراه
يوم ميلادي اقبروني مابقى للروح عش

يحسن الله في عزاكم ..والفرح جرحي اعتراه
مابقى لانسام غير الصوت بالخنقه جهش