[أبوراشد العيسائي]

ناجى حنين الليل صــــــرخة أنـيني
صرخه عناها بددت روح مشـــــــتاق
وش حيلتي والضيم ينهش ســــنيني
ومعانده فيني حرق ألف خفــــــــــاق
حلمٍ رســــــــــمته ما تطوله يديني
وبيني وبين الراح شـــــــــدات تنساق
مديت كفـــــــــي وأنتخيــك بحنيني
يا سيدة كوني إذا الكون بي ضاق
كفنت ودي وأنحنــــى موق عيني
يهمــــــس لوصلك دام منهاجك فراق
أهديت لك عمـــــــري فراحة يميني
وأشـــــعلت قنديل التلاقي في الآفاق
أزرعك عشق وأقطفك ياســـــميني
وأحضن دفاك وترتوي جنـان الأعماق
ما دام شـــــــــوفك بهجتي ويحييني
والله ما ببعد ولا يوم بشــــــــــــتاق
أفرشـــــــلك عيوني حصير ويقيني
أتنفس الفــــــرحة على لحظة عناق
عييت أفــــــــــّرق بين بينك وبيني
غيثك ســـــــقاني وماطر الحب دفاق
جنســـــــــت حبك والفخر يعتليني
ســـــّريت لك شوقي على نوق عشاق
أمخر عباب الود وأســـــــرج حنيني
والضيم ينهش في خفا روح مشـــتاق

تحياتي
أبوراشد العيسائي