عتاب احباب
جتني تساءل ليش كاتب قصيدة
وانا القصيدة بالأسى كاتبتني
وتقول حبي والوفا لك عقيدة
بالله عقيدة شو يا ذابحتني؟
يا اللي الهوى لك والمشاعر أكيدة
وانتي بعذاب معزتك كايدتني
يا اللي ذبحتي خافقي من وريده
وخنتي عهود بالوفا واعدتني
عشرين عام كل لحظة سعيدة
طوعتها لاجلك ولو عاندتني
عشرين عام والمدامع شهيدة
وانتي على شراع الأمل شايلتني
وانا أماني في أماني جديدة
ورؤيا منامن بالرجا ساحرتني
جيتي بعد هذا العمر يا البعيدة
وعقب السنين المضنية لاحقتني
تستنكري بس ليش؟كاتب قصيدة
وانا القصيدة بالأسى كاتبتني
|