بي همه تناطح سحاب الأمة
جديدي//
هــمّـهـ
لا للقهر .. والذل ؛ بحرق دمّه
لا قلت ؛ ماني راجع بأقوالي..!!
(الأجودي) زاين بزين الذمّه
محفور فعله: الأولي والتالي
والا (الذميم): ان ذمني؛ ما اذمّه
اجر ولفاني .. من قفا عذالي
يا ناس: بعض الناس صارت: "رمّه"
دبّت .. وتنهش في عرض آمالي
اللي نوى بالشر ؛ خير يخمّه
ربّي (حكيم) ونيتي أعمالي
ربّي (حكيم) وخاطري (ما همّه)
مؤمن بأن: "اللي يكتبه جالي"
كم عاذل ن فجر (سكوتي) غمّه
كم (انتكاسه) ارفعتني عالي
كم هاجس ن (واهي) قدرت ادمّه
يا كم أنا دمّيت .. خيّب فالي
بي "همّه" تناطح سحاب الأمّه
و"رياح عذلي" م قدرت ع جبالي
اللي يبي "قدام" مش بكمّه
دمع المواقف والزمان الخالي
واللي يبي "البيرق" عرقه يشمّه
موتي ولا حرة كلام رجالي
واللي يبي "أمه" خذوه لأمّه
يمكن معاها ما يهاب العالي
محمد بن مرزوق بن ضحيّ
التعديل الأخير تم بواسطة محمد بن ضحي ; 04-02-2012 الساعة 09:39 PM
|