محاصيل الضرائب
اشكي على الأيام من فرقى الحبــايب
واعتب عليها من كبيرات المصــايب
تشيب في راسي ترى الفرقى مريعه
والجيب يشكي من كثر نوح الطـلايب
وتشب فـ الدنيا التفاصيــــل الصغيرة
وتزيد أوجاعي كثيرات العجــــــــائب
يا لله معلمنا معـــــــــــــــايير المحبة
تبقى معاييري محاصيـــــل الضرائب
الحب في بعض المعــــاني لي محرم
لأني كتبت الشعـــــــر وجندته كتائب
ما باقي في صدري سوى ذكر الظليمة
تنفض من الضيمه أعاصـيري خرايب
وادعي إله الكـــــون فالمحراب وحدي
يروي علينا الأرض من جزل السحايب
ينزف شذى شعري وأنا مستـــاء جدا ً
من كثر ما شايف كذا حــولي غرايب
وتعطر أبيـــــــــــــاتي دواوين الثقافة
غيري يسوق الود وإحساسه رحايب
اشكي على الأيام من فرقى الحبــايب
واعتب عليها من كبيرات المصــــايب