[راشد الهنداسي]

"من غيابه"
راشد الهنداسي
20-3-2012

تعب قلبي من غيابه
نحل جسمي سنة وشهور
ولا حتى طرق بابه
ويسأل..ما إذا مقهور!
فقير وباليه ثيابه
تعال أستر جرح مبتور
أنا والله ما آبه
إذا حالي غدا ميسور
وحال النفس كذابة
تغطي حزنها بحبور
علام الي نسى أحبابه
يعيش فدنيته مسرور؟
وانا الي فاتح أبوابه
بدا بيت القلب مهجور
مغير الحزن وذيابه
وكلب(ن) فالعرا مسعور
ودفتر شعر وكتابه
ورجل(ن) جالس(ن) مسحور
وجورك كشر أنيابه
ويغرز سممها فالنور
إذا نور الأمل صابه
عمى عينه بسهم الجور
حبيبي ليه تهنا به
عذابي؟ والسنين بحور
وموجي نوخ إركابه
وطاح النوخذة منحور
ي خلي قل..وش جابه
بعد هذا الزمن ودهور؟
فقط اتفقد أسبابه
لجل ألقى بعد ما دور
قميصه قطعة ثيابه
تجردني العمى بالنور