محاورة رزحه في الوافي :
قال خميس سالم البلوشي (خمسات ):
من جاتك التحيه طول الصـــــــــــافور
ادعي الجحافل والجيوش امــــــسطره
عدال زمزم بيعصرن بنــــــــات الحور
بيرافقن حوض الجــــــــــنان وكوثره
رد علي زعل :
يا مرحبا بصفا شبان وصــــــــــــقور
في حينا يلكم معزه ومقــــــــــــــــدره
أذيه ليلتا سعيده وتباهي بنــــــــــــور
ومصوريه ابنور الفلوك امنــــــــوره
رد خمسات :
يا عين طلعي ثابته رواسي الســـــــــور
ويامن حضر سمعوا هزيز الطـــــــــايره
تفرح فوادي يوم ريت الحصن مـــــعمور
هوه الحصن واحنا جنوده وعســــــــكره
رد علي :
سورا بنيته ف الطوايل والدهـــــــــور
يكرم علينا يا ربيعي ندثــــــــــــــــــره
والحي محمي م الوســـاوس والغرور
وأهل السيوف البـــــــــــــــــــــــــــاتره
رد خمسات :
عندي كبيرا حاضر باقلـــــــده الامور
لين راد له المولى عليــــــــــه وقدره
هذي السنه الليالي تعطـــيني اللاشور
والادمي يله الدعاء والمــــــــــــــغفره
(يقصد هنا بعد رحيله انه مخلف ولده سليمان )
رد علي :
أنت أمام الدوله معلــــــــــــــما مشهور
ما دامها جمع القبــــــــايل حاضــــــــره
سنتين بكفت قلبي وباعزي شهــــــــــور
وفي موتتك جمع الصحف باتنشـــــــــره
رد خمسات :
يا مصوريه زمطي بالطبول وزمـــــور
و الاطلس الغالي يا زينه ومـــــــــخيره
في بنقلة فوادي لك محــــــــــــل ودور
وانت اللي طاؤوس المــهويه وهزيزه
رد علي :
في باهرك تحملها جــبال الطـــــــــور
تقدر على حصن القفيفه اتـــــــــدمره
ويا الوافي العفيفه من ســــالف دهور
في حصنها تشبه مصـــــــــر والقاهره
رد خمسات :
بنوادعك ياحله وبيـــــرقك منـــــــشور
كلعادها الشومه وسفنا امســـــــــافره
تغلق الموسم عندنا وصـــــفر المامور
ف وداعة الله يا الــــــــسحابه الماطره
(تمت )