ابو هاشل: صلّـواعلـى نبينـا ومثلكـم صلّيـت / / / لي جاهد الكفـّار بسيفٍ صارما
انثرسلامي على اهل الكرم والصّيت / / / اهل المعـزّه من نسل الأكارمــــا
جمعه: ياصاحبــي تجمـّــل شغـّـل الوانيــت / / / نبغـا نشـوف الرّزحــه بولايــة دمـــا
يقولوا الطرب له عندهم قـوّه وصيت / / / في المرتبه الأولى وحازوا الأوسمـــا
ابو هاشل: ماشي فوايد مهما سرت وتعـنـّيت / / / خسـران ترجــع ملفـوايـد معـدمــا
ذاك الزمان تغيـّر وانته مادريت / / / الدايـــم اللــه ماحــد غــيره دايمــــــا
جمعه: ياصاحبي يمكن انا تراني سهيت / / / بلـّي سهــى مايقــال عنـّــه اجــرمـــا
عسى الزمان يعـود لي به قد نشيت / / / ويعــوّد الفــن الأصيــل المحكـمــــــا
ابو هاشل: انته ربيعي ويميني لكـــم مدّيت / / / والشّور واحد في الطرب نتفاهمـا
اصبر وتلقى كل شيئّ ٍ له سعيت / / / لابـد من يصبر يحصـّـل مغـنمــــــا
جمعه: لو الصبر طعمه حلو كنت احتسيت / / / كأسه ولكــن طعمــه مرّ وعلقـمــا
وعلــى النبـــي صلاتـنا وآل البــيت / / / وعلى الصحابه وخيرمن قد أسلمـــا
نايحة بو كوع
ابو هاشل: جمعه بن سعيد بن راشد****** للتايه دليل وراشــــد
نصيحه لاتكون امثالــه ******* لي يجهل كلام الناس
وانا دعـيتــك للشدايـــد ****** استاذ وعندك شهايد
عالم بالشعر واحوالــه ***** وللطرب عندك حماس
جمعه: كل واحـــد يلّــه عوايـــد ****** يعرف ناقصه والزايد
ولي يسلك درب الهزاله ***** خالي ملعقل في الراس
تلميــذك ماانــا بزايـــــد ****** عنـّك في نظم القصايــد
انتــه مقـدام البسالـــــه ****** اشهد لك شديـد البـاس