[خليل عفيفي]

الصدر ضــــــــايق ... أعتذر منكم .. هــو الشعر .. كذلك .. فــ لبّيت ..



يا قلــــــــــبِ من هو من جروحه يداويه
جرحي التهب ما فــــــاده بالطبّ كـــاوي
من هو لشـــــــــاعر في مصابـه يواسيه
حالــه تعب عــ الصبــــرِ ماهـوب قــاوي
الهــــــــــــمّ في صدره شرا النار تكويـه
وضيقه تعانقــه وتحضنـــــه خــــــلاوي
شاعــــــر تعـــــــــــذب والخلايق تخليه
وتصـــــــــب حوله من كثيــــر البـلاوي
البارحــــــــــه شعرٍ يرافع دعـــــــــاويه
والياس لابـــــس ثوب قاضــــي دعاوي
أحدٍ عمــــــاه الحق كــثرة مســــــــاويه
وما عاد يبصــــر غير ذيـك المســــاوي
واحدٍ يشوف الحـــــــــق ينقص معــاليه
لونك نصيته جــــــاك عــــ الشـــر ناوي
فارس غريب الدار وش فايـــده فيـــــه؟
ينصــــــــاه يا حيفــــــــه يرد النصـاوي!
جوا الحشا بالصدر بركــــان واخـــــفيه
لاجـــــــل يْتِفجّر يستحـــــث الخطــــاوي
أقفت حقوقٍ ما انْفعتها المشـــــــــــاريه
وصفعــــات لــومٍ طالبت بالتســـــــــاوي
وش هي تفيد شـــــلون أو كيف أو ليـه
واللوم يمّـــك يمطـــــرك بالهــــــراوي؟
الصدر ضـــــــايق قللي انا وين اودّيــه
مــا فادت الشرهـــــه وكثير الشكـــاوي
الحـــــق شامخ والعدل ثـوب يزهيـــــه
وحقوق خــــــلقٍ تصفعــك بالدعــــاوي
يا ناس من قلبــــه على النار تصليـــه
ما هــــــو مثل مسعود ينشــــــد دفاوي
حسره علـــى خـــلٍ يبيعــــــك وتشريه
تظنه ســـــــــديد الراي فكـر وحجـاوي
معذور يومك ما تهمــــــــــك رجـــاويه
خاب الامل فيــــك وكثــــير الرجــــاوي
ضيقه وهواجيـس ومصــــــايب تكفّيــه
يكفيـــه عطــــــب الجرح عـــزّ المداوي
الشعـــر واطلاله وطروقــــه وقـــوافيـه
وصرحٍٍ تباهى من جــــــــزيل العطـاوي
يا ما حلا شعرٍ تباهـــــــى مخـــــــــاويه
ويا فخر بيدا كنت فيهــا المخـــــــــاوي
بسرج ركوبي والسفر حـــــــــل طاريه
وصرحٍ بدون قـْلــــــــــــوب لا بدّ هاوي
في ذمّتــــي الحـــــــق لا بد نوفيــــــــه
ما يضيع حق ٍ للمطـــــــالب ، هفــــاوي
والخاتمــــــــــه موّال جيتــــــــه بغنيه
وصفحاتِ شعر جيتهــا اليوم طــــــاوي