الكوووورة
الكورة فالواقع تجارة تجارة
والاعب الموهوب أثمن سلعها
تمريرة و تسديد وأفضل مهارة
هذي أساليب الكرة في لعبها
إما يجيك الربح وإما الخسارة
إما تفوز بحظ ويجي هدفها
هذا المشاهد دوم بيده سيجارة
ويتابع التلفاز وأجمل صورها
الله شوف الجول شوف الشطارة
هذا ليو ميسي بيدّه وضعها
أما الريال الآن أزمة إدارة
ما هو بينفع كورته..لا يضرها
جابوا مورينو من اجل هالصدارة
ما يعرفوا البرشا تربع قممها
فيها مواسم انتقال وإعارة
فيها المشاكل يصعب اليوم حلها
ليت العماني ينتفض من غباره
ويصارع الأبطال..يرفع علمها
كأس الخليج الحين يذبل شعاره
لا اعتقد غيره بناخذ بعدها
خلنا نتأمل..ننتظر هالبشارة
خلو الصحافة ناشره في خبرها
المنتخب فعمان مثل الوزارة
لاجابو موظف يتم فدهرها
كلي أطالب إتحاد وإدارة
أواقترح إنهم يعيدوا نظرها
ودي أشوف المنتخب فالصدارة
وفخر بنفسي وافتخر في علمها