[وليد الحضرمي]

وله والشــوق أنفــــاسه من الفرقة تشل الــروح
تعالي قبل لا ألفض من الأشــــــواق أنفاسي

تعالي لملمي جرح (ن) من افراقك تنامى جـروح
تعالي وارجميي شيطان افكاري وهوجاسي

تعبت اصارع ظنوني وخوفي (ع) الملا مفضـوح
تعبت اخمن اسباب الغيــاب فعقلي وراسي

تعبت أشكي تعبت أبكي صدى صوتي يجي ويروح
أحاول ألجم جموحي وأروض صهوة احساسي

تعذر وصلها الليلي ووصل الصبح مو مسمـــوح
أعاتب ليلها والا أعاتب صبحها القـــــاسي

تعبت من السهر قلبي / شبابيك الجدار تنــــــوح
وادور في شراييني ملامح طيفك الماسي

بقايا عطرك الهادي فأرجاء المكــان تفــــــــوح
خيالك..همسك وصوتك/ترانيمات اجراسي

أجامل/ ابتسم / اضحك وأنا في داخلي مذبـــوح
تعالي قبل لا أصبح رهينة ضعفي ويأسي

حبيبك صـــار من بعدك جثة خـــالية بــلا روح
تعالي قبل لا ألفظ من الاشواق أنفـــاسي