غزال عويقه غيّبته عقل اليتيم
أنته سلبته ولا دعيته أبد مجراه
أنته نهبته ودعيته شروى البهيم
تقدر تكفته مع رجوله مع يداه
يا غيدنيٍ نقلتك نقلات ريم
من طلعتك يغار بدرٍ في سماه
بو زيد يخضع لك ويخضع لك تميم
فأمرك وشورك كلّهم حضر وبداه
يوم اتخطّر بين عيدان القضيم
يومٍ توطّي ع اليرامع والحصاه
يومٍ تدوس بروفه شيمٍ فوق شيم
ياخالقي عجّل مماتي بلا وصاه
روميةٍ ما حافها دهر الهتيم
حوريةٍ تدعى المشيبي في صباه
شمسيةٍ ماغلطست وقت العتيم
قمريةٍ ما ساقها شهر وتلاه
خيدورةٍ غنجيةٍ لبست بريم
تزهى بخلاخيلٍ على دوح الفلاة
قدموسةٍ عرموسةٍ تشفي السقيم
ليله ونهاره قلبي عانق في هواه
عذب اللمى يشفي الضما جنّه ونعيم
وسط الحمى غاب وهما هاتوا دواه
سحب السما متراكما غيمٍ ف غيم
طاح ارتمى م العندما ما حدّ وحاه
لوْ شافها طوّاف زمزم والحطيم
ينسى تهاليله وينساها الصلاه
لوٍ تدوس على القبر يلّي رميم
تردّ له روحه وترجع له الحياه
يا سامعي تكلّم جاوب يا نديم
سكران من صهبا مجينين وخواه
واستبق يا برق ، جاوب ياهزيم
دعاه العاشق يعرف قبلته ومسراه
بسبع المثاني أكعم شيطان الرجيم
وبالجيولتيه أقطع حسّاد ووشاه
هذا جواب المبتلي وقلب الغريم
مسيّسنه العاشق والباني بناه
سالم السَّعدي 1998م