[وهج الروح]

لبيه .. لبيه ياللي وحدك إن قلت لبيه
يذبحني لبيهك ويذبحني الصوت


وإن طاح قلبي ميتن فيك خليه
ياحي قلبن طاح وياحيه الموت


ماقلت أحبك لجل وقتي أسليه
لا لا والذي نجى نبيه من الحوت


والحب لو هو سر وأقدر أخبيه
حتى واشفاهي سكوت


لي ناظرن ماغير شخصك يمليه
كأنك دواي وشوفتك طب منعوت


وإن ضاق بالي أذكر اسمك وأغنيه
واتخيلك عل وعسى طيفك يفوت


اهواك واهواك وهمي كيف قلبك أهنيه
من كثر ما اسمك في هالقلب منحوت


حتى الخطا لو جاني منك امشيه
وان مامشى أخلق له أعذار وثبوت


وش الذي يخطر في بالك وأسويه
لو حتى في وسط البحر أبني بيوت


ياللي البحر لو جا في بالك تحليه
مريت صوبه وامتلأ سكر وتوت


لبيه ياللي لو طلبني ألبيه للعاصمه
حافي ولو دربه خبوت


لين أندهك يافلان واتقول لبيه
واطيح من طولي ويذبحني الصوت




للشاعر المتالق : انور المشيري