[محمد الراسبي]

رديه بين الشاعر علي الغمبوصي و بين المغترب في لندن الشاعر هيثم البوسعيدي:


سلام يا لندن وهاتي لي اخبار
عن صاحب(ن) ابطي علي بالمراسيل

القاه بالذكرى على راس محدار
لا حدر الوادي بسيل الهماليل
علي

اقبض من الاخبار مايوقض الدار
صاحبك تاعبه الهوى والسهر سيل

يتعب خفوقي كلما طايري طار
ويضيق صدري كلما بل منديل

هيثم
علام قلبك ما خبى لاهب النار
خابر مطر لندن يطفي قناديل

اذا كفخ طيرك يقولون صقار
و طيرك على الهدات هيلن بلا كيل

علي

تدري بخويك من نسل ناس احرار
داروا على العليا فخر واعتلوا سهيل

بس الهوى غدار والهم بي جار
والشوق ذنب العشق والعشق له ويل

هيثم

والنعم بك والعز من عز عشتار
تقدير اهل بابل بجيلن ورا جيل

حذرك من اللي بالهوى طيفها زار
تاتيك وسط الليل من طعنها تسيل

علي

ماسيل لكن ذكرها ضمن لاقدار
بنتن تقوى نظرتي للمقابيل

تمشي كذا واطيح من عيني اقمار
في ذكرها آخذ من الشعر واشيل

هيثم

درب العشق زاروه بالليل خطار
عصابته تغزي رجالن حلاحيل

المقبلات ان جات من عزم واصرار
والدابرات السود ما هي محاصيل

علي

خطارك الليلة سروا دون تذكار
وطيوف محبوبي هموم وغرابيل

لبيك ياللي كلما جيت احتار
وان غبت ارجي في هواك المواصيل

هيثم

بعدك على الاطلال وتقول الاشعار
راحوا و خلوا دلتك تشكي الهيل

شف لك ذرا هاليوم من قول وش صار
بلسان عذالك اذا روح الليل

علي

ماقلت لك مايجرح الحب ثرثار
عقال هذا اليوم صاروا مهابيل

دام الهوى غدار والحب غدار
الله يطفي نارها بالهماليل

هيثم