أنا ححكاية من هالزمن الاولي لين هالوقت اماني
كثيرة في خاطري تموت وسالت وجاوبت وعشت
بكيت وتالمت وقسيت وذكرت ناس كثيرة بخيرها
وشرها ... سنين تمر والسنين الثلاث الاخيرة ...
علمتني من اخاوي ومن أحذر ناس اقرباء مني
تشكلوا بهئية الملاك يسالون ويحاتون وياما ابتسمو
في ويهي زيف وبعلتها ... ناس كثيرة جرحتني ومن
باب رد الملائكة ولك مثل هذا سويت ... ما اقول أين
كاملة وفيني كل شيء لكني بعمري ما نافقت
اكتمت كلام سمعته لاجل عين غالي وسمعت تهم
وبلعت قالوا التسامح اقصر طريق للحياة عشان
نعيش ...... ومن هالمبدأ عشت انتقل من بيت
لبيت لين اكتشفت النفوس ع حقيتها ... مو عيب
الواحد يذنب ويكفر عن ذنبه ... ومافي انسان
ما مر بمواقف بحياته جرح وخيانة والم وفراق
وخيبة امل ولكن الله عوضه باشياء ثانية نساها
بزحمة حياته وما همه غير نفسه. ... بعض صاير
مثل الحرباء بكل شكل ولون .... وبعضهم ما له
مكان في حياتك لكنه يدعيلك بالخير من طيب
اصله .... رمضان الي طاف علمني اشياء كثيرة
ورمضان ع الابواب ويارب يبلغنا اياه ناس تطلب
السماح فيه وناس تدور الحسنات وانا مثل كل وبعض
هالناس .... حاولت اسامح قلوب كثير كسرتني بس
لاسف ما قدرت انكسر بداخلي شيء ولو بيوم صرت
غير الانسانة الي تعرفوها تاكدوا أين تغيرت عشان
أعيش حق نفسي اي نفسي وبس .... ادري وايد
بشوفون كلامي وبيمسحوا ... من له بخاطره كلام
علي رجاء اكتبوه ما احب النفاق والكذب اعيش
اسمع الحقيقة بويهي ولا البعض يضحك بويهي نفاق
اليوم بينكم وباكر الله. يعلم وين ارضي من سماي
ذكرت ناس في عيابهم باسوء تصرفاتهم لاني كنت
احسبهم لي سند وعون وانصدمت مثل ما البعض
انصدم من تصرفاتي ... تصدقون أنا الي بيوم ما
مديت ايدي على اغراض احد اتهمت باشياء عمري
بخيالي وبمجرد خيالي ما مرت علي .... نسمع الالاف
القصص ونقول بس تمثيل بس والله الي فوق
سايع سما احنا جزء من هالقصص بس ما نحكي
والصمت سيد حكاياتنا يمكن خوف ويمكن طبع
ويمكن ملينا من الشكوى بس الاكيد. الاكيد اننا
نحمل الكثير في خواطرنا وصرن في زمن ناكل
ونضحك ونتنفس نفس الهواء ولكن أغرباء كل
واحد يدور ع نفسه في غيره وغيره مضيع عمره
...................
__________________
"الله لا يُخبرنا بمن يَدعون لَنا سرّاً ويُحاولون حِراسَتنا بالخَفاء؛ لكنَّه يُنير بَصيرَتنا على مَحبّتِهم، فَنتبعُ أرواحِهم دُون إدرَاك منَّا لِماذا نَخصُّهم بِهذا التعلق الروحي"
|