بسألك...
كيف كنتي أمس ؟
بعد ما غطى عيونك هالنعاس
وصرتي للحلم منهج أساس
وبسألك
ما مر بك درس الغلا والذكريات
والا نمحى من دفترك
وأصبح من الماضي وفات...
ودي أمر يمك واشوف
كل نقطة ترتسم فوق الحروف
ودي اعانق منهجك
لو مرة تسمحلي الظروف
والمشكلة انك حلم
يبحر على كتاب الضفاف
يدرس مناهج من جفاف
مابلله دمع السطور
ولا يروي حروفك نفاف
تخيلي....
طيفي عناوين الدروس
وياكثر ما مرك دروس
أول بدايتها كلام
وآخر نهايتها غرام
وعيوني جملة من نصوص
تصدقي لو قلت لك
فصلك سالني البارحة
وياطووووول وقت البارحة
من يشبهك...؟
لاصرتي بانفاس الورق
أو حلم بفصلك اسير
أو حرف بسطرك غرق
وعيونك الدرس الأخير