ياروعة الضمه على صدر مشتاق
ياروعة الضمه على صدر مشتاق
مع واحدن دايم إتمنى تضمه
تنسى الجروح اللي على القلب تنساق
بأجمل تعابير الغلا وأشواق جمه
خطيت شعري شوق في صدر الأوراق
وأرسلت لك شوقن مع الوقت لمه
ياعاشقي ضاقت علينا بالآفاق
تبغي وصالي وأرتقب ساعات ضمه
عشق العيون اللي لها النبض دفاق
من هو نظرها صدق ينزاح همه
أجمل من الأحلام وأعذب من أعناق
راس المحبه والشوق خشمه وفمه
إذبح قصيدة شوق تراالبعد حراق
خل الشعر يسبل على الروح دمه
إنته الورد مزهر وآنا لك الساق
ومحلى الورد لا جاه قلبك وشمه
معذور في حبك ياروح الأشواق
ياخال الغلا وابوه وجده وعمه