[حسين البلوشي]

احتياجي لك غريب
ما هو دوا ولا طبيب
ولا غرامن اسكنه
ودايم عن عيوني يغيب ...
احتياجي لك جسد
ثغرن يحليه الشهد
وحبن يعانقني ابد
ويظل من جفني قريب...
يا أجمل أيامي تعال
وارسم على صدري خيال
وخلي الهوى شوق وجمال
وخلني أعيشك بالنصيب...
لاتتعب أنفاسي كفاك
ما قلتلك قلبي فداك
مالي أنا إلا سواك
ومالي ابد غيرك حبيب...
فغيبتك أبقى وحيد
وأبقى عن عيونك بعيد
والشوق فيني يستزيد
والبعد يا خلي صعيب...