مساجله بين حميد بن سليمان الرحبي
والشاعر عامر بن هاشل الناعبي عبر الواتساب.
بتاريخ 19/10/2014
حميد الرحبي:
سمّيت به يلي خلق شمس وقمر
وخلق كواكب والنجوم الزاهره
وانثر سلام عليكم اصحاب المقر
اهل الدراسه والعلوم الشاهره
عامر الناعبي:
اهلا وسهلا ومرحبابك ياصقر
نسل اﻷكارم والنفوس الطاهرة
حي بمثالٍ وافاني بعدالضهر
قبل العصر جايب نسايم عاطره
حميد الرحبي:
بوجودكم فرحنا يا اهل الشعر
اهل الشجاعه والسيوف الباتره
لك سمعة ٍ في كل بلادٍ تنذكر
يا نسل هاشل لك معزّه وافره
عامر الناعبي:
قولك عجبني مثل لولو منتثر
يطرب له السامع كلام ٍ تنثره
صغت المثايل مثل عيصان التبر
بونه الشعر يبغى صياغه ماهره
حميد الرحبي:
منكم تعلّمنا ومنكم ننتظر
وكلامكم يجلي قلوب الكادره
ما تنحصي يا عامر موجات البحر
ابغا دليلاً في البحور الزاخره
عامر الناعبي:
نخلف مثلنا صوب اصحاب الفكر
مابينهم صارت عسامه مخطره
ويش كلّفه راعي الجبل يقحم بحر
بحر الهوى صرها غبيبه مغزره
حميد الرحبي:
ما كل طيرٍ صفّق بالجناح وفر
هذاك بحرٍ ما يجيب المصخره
وكم واحدا تغلّق في هذا الامر
المسلّم الله من الليالي السايره
عامر الناعبي:
محنه وبليّه لي يصول وينتعر
درب الهوى تبغى مهجة ٍ صابره
يتبع ربيعه وفي الدرب ماينقصر
يمشي في دربه والمثل مايقصره
حميد الرحبي:
شي م الكلام اللي يصوغه يستقر
يطرب له السامع ويطيّب خاطره
وشي م القوافي مثل الحنضل معتصر
يمرض به نفسه ولسانه يدمّره
عامر الناعبي :
ماشي عليه ملامه لو لسانه عثر
لا تلوّمه لي مادرس في القاهره
بونه الطبع ماينتقل مثل الحجر
حد م البشر دايم لسانه عاثره
حميد الرحبي:
دايم يشربك بس وين المعتبر
ذي سلكته و ربي الالهي ينصره
عسى يراجع نفسه ويعيد النظر
وتكون كلماته حروف ميسّره
عامر الناعبي:
بلّي قضاها حياته دايم في خطر
مايحسب حساب الدروب المخطره
ياربنا تيّسر كل امرٍ عسر
وتريحنا منها اﻷمور المعسره
حميد الرحبي:
راعي الشعر يتمعّن كل سطر فـ سطر
يراجع اموره قبل حد يحاذره
اختم كلامي وارتجي منـّك عذر
وارجوا السموحه منـّك دنيا وآخره
انتهت..