[سعد بن عبدون الجنيبي]

للمــــــــدح في من يستحقه علامات

أهمـــــــــــــــها ثنتين طيب وكرامه

وســـــــــلام للي خصه القول بذات

فوق الكرامه به أوصاف الرحامه

حاز المزايا والوصوف الجميلات

يامحــــــــلا صوتة ومحلا كلامه

يادر صــافي من بحورن عميقات

اللي على الطواش غالي مسامه

لبى عيونك لــــو بعيد المسافات

ولبــــــيه من قلبن مسكتوا زمامه

ســــــــلام يا جو اللقاء والمسرات

وشوفة جميل الوصف ظبي العدامه

اللي عليــــــه أمن الجمال أبجديات

من طــــــلة أمحيــــاه حتي قوامه

والقلب بعـــــــــده ما تهني بلذات

وأعلن عن الخفرات غيره صيامه

ما قول معجب فيه من سب نظرات

لا والله اللي صــــــــوبتني سهامه

وامسيت يا سالم تفاكيري أشتات

وش حيلتي والشوق زاد ازدحامه

بلغ سلامي صــــــوبهم والتحيات

عساهم بصــــــحه وخير وسلامه

- سعد بن عبدون الجنيبي